პოლიტიკური პარტია “ტრიბუნას” წევრი, კოტე კემულარია:
“გემწუთხათ ელჩის გაწვევა?!
მძიმე დიპლომატიური დემარშია.
ორმაგმა მაგისტრმა- “ მოხალისეებს თუ გავაგზავნიდით, ომში ჩართვა იქნებოდაო”.
არ არის ეს ასე.
ექიმების და სამოქალაქო მოხალისეების სხვა ქვეყნის ტრანსპორტით გამგზავრება, არანაირად არ ნიშნავს სახელმწიფოს მიერ მათ გაგზავნას. მოხალისეები, საფრანგეთიდან, ირლანდიიდან და მთელი მსოფლიოდან ჩადიან უკრაინის მხარდასაჭერად.
ეს არ ქმნის პრობლემებს მათ სახემწიფოსთან. ამიტომ ჰქვიათ მათ “მოხალისეები”. ოფიციალურად გამოცხადდა, რომ უკრაინაში საერთაშორისო ბატალიონის ჩამოყალიბება მიმდინარეობს.
დასავლეთი ღიად უგზავნის შეიარაღებას, სამხედრო ავიაციას, სერიოზულ თანხებს, რომ უკრაინამ თავი დაიცვას. თქვენს ენაზე ამას რა ქვია?
თქვენ, უბრალოდ, “სხვაგან ბანაობთ”.
არა ადექვატური თავის მართლება იყო.
ნუ ცდილობთ საკუთარი ხალხის მოტყუებას, თანაც ასე უნიჭოდ.
რაც შეეხება საქართველოს ევროკავშირის წევრობის კანდიდატად დამტკიცების “არარელევანტურობას”/კობახიძის ტერმინია/, ესეც თქვენი ვაიპოზიციის პირდაპირი შედეგია.
საქართველო უკრაინაზე გაცილებით უკეთეს პოზიციაზე იყო, სანამ თქვენ ევროპის პირველ პირს-შარლ მიშელს და მის დოკუმენტს აბუჩად აიგდებდით. ევროპარლამენტარების და კონგრესმენების გულრწფელ და მეგობრულ წერილებზე იღლიცინებდით-
“ეგენი ვინ არიან, ვინ დანიშნა ჩვენს უფროსებადო”.
გასაგები გახდა ყველასთვის, რომ თქვენი “უფროსი” ცივილიზაციური ღირებულებები კი არ არის, ბიძინაა.
როდესაც ძველ დროში ჩარჩენილი რუსული სამხედრო მანქანა, დაუპირისპირდა არამხოლოდ უკრაინას/ახლა, სრულიად ნათელია, ეს საბაბი იყო, არამედ ფუნდამენტალურ დასავლურ ღირებულებებს და მთელ ევროკავშირს, ამერიკას, თქვენი ხელისუფლება არათუ არ დადგა დასავლეთის გვერდით, მწარედ იქილიკა სანქციებზე.
შექმნილი ვითარებით რომ გესარგებლათ და განაცხადი მაინც შეგეტანათ უკრაინასთან ერთად, ხომ განიხილავდნენ და “რელევანტურობაც” გაირკვეოდა.
არ გინდოდათ.
არც ახლა გინდათ ევროკავშირი.
უცხოა თქვენთვის, სამწუხაროდ.
დიდი ზიანი მოაქვს ჩვენი სახელმწიფოს საუკუნეებგამოვლილი ორიენტაციისთვის თქვენს ასეთ აბდა – უნდა პოზიციას.
მწარედ მოგიწევთ პასუხის გაცემა ქართული საზოგადოებისთვის.
განსაკუთრებით, ახალგაზრდობისთვის.”
კომენტარები