პოლიტიკოსი, ეკა ბესელია “მთავარ არხთან” ამბობს:
“ყველაზე მეტად თვალში გვხვდება დაკავებებისაც, ყველა დაკავების დროს, უხეში დარღვევა საპროცესო ნორმების, კონსტიტუციური და ყველა საერთაშორისო სტანდარტის. რომ არ ვძებოთ, სადღაც ბნელ კუთხეში, სადაც არ წვდება საზოგადოების თვალი, ღიად ვხედავთ ქუჩაში, დღესაც, დაკავებების დროს, ყველგან ირღვევა საპროცესო ნორმები.
რაც შეეხება გავრცელებულ კადრებს, აშკარაა სამსახურეობრივი უფლებამოსილების გადამეტება, ან ბოროტად გამოყენება, ეს არის სამოხელეო დანაშაული, დამამძიმებელი გარემოებაა, რომ ეს ხდება შშმ პირის მიმართ, ეს უკავშირდება არაადამიანური მოპყრობის სტანდარტს, ეს არის სასტიკი და არაადამიანური მოპყრობა, ძალადობა, აქ არის დანაშაულთა კომბინაცია – ეს არის სახეზე და ამას დიდი ფიქრი არ სჭირდება. არაფერი არ არსებობს, რომელიც გაამართლებს, იმ სასტიკ და არაადამიანურ მოპყრობას… როგორ უბრაგუნებს.,.. ტერორისტს არ უნდა მოექცე ეგრე, ომის დროს არ უნდა მოიქცე ესე.
ყველგან ირღვევა კანონი, ყველა აქციაზე დაკავებების დროს, როგორ აკავებენ, როგორ მიგვაჩვიეს, მიათრევენ, კამარების თვალწინ, საჯაროდ, სასამართლოს შენობის წინ, ისეთი ფორმით აკავებენ აქციის მონაწილეებს, რომ როგორც იურისტი გეუბნებით – ეს არის ცალკე დანაშაულებრივი ქმედება. და რას აკეთებს სასამართლო? მოქალაქეს აჯარიმებს, იმის ნაცვლად, რომ პოლიციელს მოსთხოვოს პასუხი. დაუსჯელი დარჩა ყველა ასეთი ფაქტი სასამართლოს ხელში. მოსამართლეები ყურებენ, ხომ მიაქვთ პოლიციელებს სასამართლოში ვიდეოკადრები, როგორ აკავებენ, მიათრევენ, მიაპორწიალებენ, ტენიან, პირდაპირი მნიშვნელობით მანქანაში ადამიანებს და ამაზე რეაქცია არა აქვთ. ის მოსამართლეც დასასჯელია და ის პოლიციელიც. ვერ ხვდებიან, რომ ეს სახიფათოა ყველასთვის. პოლიციელი, რომელიც იმისთვის არსებობს რომ კანონი და მოქალაქე დაიცვას, ის ხდება მოძალადე და ამას ახალისებ, ეს არის დიდი დანაშაული და ამას ვერ ხვდება გადაწყვეტილების მიმღები პირი.
ლუკა სირაძე სულ თვალწინ მიდგას, ეს ანგელოზივით ბავშვი, ამხელა ტრაგედია მოხდა და გამომძიებელი ვადაზე ადრე გაათავისუფლეს – ეს პირდაპირი გზავნილი იყო, რომ აი ჩვენ სისტემის თანამშრომელს ვიცავთ. სისტემის თანამშრომელს კი არა, ბოროტებას, ძალადობას იცავ…”
კომენტარები