„სისტემა თუ მუშაობს, 8 წუთში ყველა გაასწრებს“, – ტვ პირველის ინფორმაციით, ეს განცხადება გეოგრაფმა გიორგი გოცირიძემ გააკეთა.
გიორგი გოცირიძის თქმით, საქართველოში უსაფრთხოების სისტემა არ არსებობს.
მითხარით დასახლებული პუნქტი საქართველოში, რომელსაც აქვს ევაკუაციის გეგმა. თბილისი არის სეისმურ ზონაში, 25 ათასი შენობა არის მე-19 საუკუნის ბოლოს და მე-20 საუკუნის დასაწყისში აშენებული… მითხარით, სად არსებობს ქალაქის ევაკუაციის გეგმა, ჩვენ საერთოდ არ ვართ მზად ასეთი მოცემულობისთვის,“ – ამბობს გიორგი გოცირიძე.
გოცირიძის თქმით, შოვში მომხდარი მეწყრული პროცესები დევდორაკში განვითარებული მოვლენების მსგავსია. შესაბამისად, გოცორიძე ამბობს, რომ ახლა უმთავრესია ყველაზე ცხელი წერტილების ამორჩევა, ევაკუაციის გეგმების შემუშავება, რეაგირების სისტემის გაუმჯობესება უნდა მოხდეს, მაქსიმალური აღჭურვა უნდა მოხდეს შეტყობინების სისტემის. ამ ყველაფრის მოწესრიგებას პოლიტიკური მზაობის შემთხვევაში, გოცირიძის თქმით, მინიმუმ, 2 წელი დასჭირდება.
შოვმა, სამწუხაროდ, კიდევ ერთ გაამყარა, რომ მოვიდა დრო. ეს მომენტი დევდორაკის შემთხვევაში გაყვა ანომალურ ისტორიას. მაგრამ 2014 წლის მერე მოიმატა ამ სიხშირემ და დევდორაკების ჩამოვარდნების სიხშირესთან ერთად ნელ-ნელა ჩნდება სხვადასხვა წერტილი. ნელ-ნელა დასავლეთშიც ჩნდება ეს აფეთქებები. მე ვფიქრობ, რომ საგანგაშოა უკვე, ამ დარგში მომუშავე სპეციალისტებმა უნდა ვთქვათ, რომ საქმე გვაქვს ქრონიკულ ფენომენთან.
ამ ჯაჭვის კოორდინირებული სისტემა არ არსებობს, ჯერ არ შეუქმნიათ. ამ ნაწილში მოვიკოჭლებთ და ეს გვიჯდება ადამინის სიცოცხლის ფასი. აქამდე თუ გაკეთებულა, გადასარჩევია რა არის კარგი და რა არა, გადასააზრებელია ეს პროცესი. ძალიან ბევრი ტრაგედიიდან გაკვეთილი არ გამოგვიტანია.”
კომენტარები