“სისტემა, რომელიც ყველას ტყვეობაში აქცევს, უნდა დაინგრეს” – გოგაშვილი

სუს-ის ყოფილი მაღალჩინოსანი, „სახალხო პარტიის“ ერთ-ერთ ლიდერი, სოსო გოგაშვილი:

– უმძიმესი წინასაარჩევნო კამპანიის ფონზე, ბევრი რესპონდენტი გვიანონსებს, რომ ველოდებით, უმძიმეს არჩევნებს – გარდა ამისა, ჩვენ ირგვლივ ადამიანები უკვე წინასწარ ემზადებიან საკუთარი ხმების დასაცავად – ეს მუხტი იგრძნობა.

– კი, იგრძნობა. მინდა მივმართო ხალხს, მობილიზებით, რეგულაციების დაცვით, უნდა მივიდეთ ყველანი არჩევნებზე და მაქსიმალური აქტივობა უნდა დაფიქსირდეს. მეორე – მე პირადად გავაკეთებ განცხადებას რამდენიმე დღეში ჩემ პოლიტიკურ პარტნიორებთან ერთად და ვამხელ გაყალბების ხერხებს და გზებს, ვასწავლი მოსახლეობას თავის დაცვას. ჩვენ ხელთ არსებული ყველა ინფორმაცია გახდება საჯარო. ადამიანებმა უნდა იცოდნენ როგორ ყალბდება არჩევნები და მივაწვდით ინფორმაციას საერთაშორისო ორგანიზაციებსაც. ზეპირად ვიცი, რა და როგორ ხდება, ჩვენ ამ არჩევნებს დავაკვირდებით და თუ მავანნი არ გაითვალისწინებენ და ამ ტიპის გაყალბების ხერხებს გამოიყენებენ, არჩევნებში პროცენტების ასაწევად, მაშინ, არჩევნების შემდეგ, მწვავე რეაგირება გვექნება. ჩვენ კატეგორიულად ვემიჯნებით ყველანაირ არეულობას და ძალისმიერ მოქმედებებს, მაგრამ თუ ხელისუფლება იძალადებს ხალხზე, თუ ხელისუფლება, მიუხედავად ყველაფრისა დაიწყებს ხალხზე ძალადობას – ხალხი ვალდებულია თავისი არჩევანი დაიცვას. ამავდროულად, არ მივცემთ საშუალებას რადიკალურ ოპოზიციას, დაგეგმონ პროვოკაცია და არიონ ქვეყანა ეს ქვეყანა მარტო მაგათი არ არის. რაც შეეხება სისტემას, რომელიც ყველას ტყვეობაში აქცევს, ის სისტემა უნდა დაინგრეს. ამ სისტემას ჩვენ ერთად დავანგრევთ და შევცვლით სახალხო მმართველობით.

მოამზადა თამო კეშელავამ