ტრენდული

„სუს-ში არსებობს ერთი მნიშვნელოვანი ჩანაწერი და ყველას ეშინია, ის არ ჰქონდეს გოგაშვილს და არ გამოაქვეყნოს“
ახალი ამბები

„სუს-ში არსებობს ერთი მნიშვნელოვანი ჩანაწერი და ყველას ეშინია, ის არ ჰქონდეს გოგაშვილს და არ გამოაქვეყნოს“

ავტორი - ალია
22:31 08-07-2022
0

ლევან ჯავახიშვილი სოსო გოგაშვილის დაჭერის მერე, ხელისუფლება დაფიქრებულია. გოგაშვილი იმიტომ დაიჭირეს, რომ უცხოეთში აპირებდა წასვლას და იქიდან ხელისუფლების წარმომდგენლებზე კომპრომატების...

(ვიდეო) – “რას გამოაგდებენ მელაძე, გვარამია, გახარია და ხოჯევანიშვილი, ვნახოთ” – კობახიძე

,,კობახიძე რუსეთს საფუძველს უმზადებს, რომ სამხედრო ძალით შემოიჭრას და მთელი ქვეყნის ოკუპაცია მოახდინოს” – გიორგი გუგავა

11:12 08-07-2022
“არა აქვს მნიშვნელობა სიმართლის თქმის გამო, ბევრი რომ აგინებს, ბევრმა რომ გაყიდა… დაბადების დღეს გილოცავ, კნიაზ…” – გუჯა ბიძია

“ტვინგაქოცებულები რომ წერენ, მიშამ ჩააბარა ტერიტორიებიო… ხვდებით ახლა, ვინაა სამშობლოს მოღალატე?” – რას წერდა ცოტნე გამსახურდია

17:33 08-05-2022
,,მიშას ადვოკატი რადგან ვარ, ამას იმიტომ ამბობენ” – რას უყვება ,,ალიას” ვალერი გელბახიანი

,,მიშას ადვოკატი რადგან ვარ, ამას იმიტომ ამბობენ” – რას უყვება ,,ალიას” ვალერი გელბახიანი

02:10 08-04-2022
“წაიყვანა ტრიალ მინდორზე, ჩაკეტა მანქანა… ახლაც ტაქსაობს… შსს, თქვე მედუქნეებო” – რა შეემთხვა გოგონას “იანდექსის” ტაქსში და როგორია შსს-ს რეაგირება?

“წაიყვანა ტრიალ მინდორზე, ჩაკეტა მანქანა… ახლაც ტაქსაობს… შსს, თქვე მედუქნეებო” – რა შეემთხვა გოგონას “იანდექსის” ტაქსში და როგორია შსს-ს რეაგირება?

22:39 08-02-2022
  • რეკლამა
  • კონტაქტი
10:55, ორშაბათი, 8 აგვისტო, 2022
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • გურმანი
  • სხვადასხვა
  • არქივი
არაფერი მოიძებნა
იხილეთ ყველა შედეგი
არაფერი მოიძებნა
იხილეთ ყველა შედეგი
მთავარი ახალი ამბები

“სისტემა, კანონების განხორციელება და აღსრულება” – აშშ-ს ელჩის აქცენტები

ალია ავტორი - ალია
15:58 01-17-2020
- ახალი ამბები, მთავარი
A A
0
Facebook-ზე გაზიარება
1

ამერიკის შეერთებული შტატების ელჩმა საქართველოში კელი დეგნანმა ფიცის დადებისას მნიშვნელოვანი გზავნილები გააჟღერა.

გთავაზობთ კელი დეგნანის სიტყვას, რომელსაც აშშ-ს საელჩო ავრცელებს:

“მადლობა მდივნის მოადგილე, ჰეილ, ამ გულისხმიერი სიტყვებისთვის. დიპლომატიურ სამსახურში ჩემი ერთ-ერთი ყველაზე დასამახსოვრებელი მომენტები პოლიტიკურ საქმეთა განყოფილებას უკავშირდება, ასე, რომ ამაყი ვარ დღეს თქვენი აქ ყოფნით, რომ მიიღოთ ეს ფიცი.

განსაკუთრებით, მინდა, მივესალმო ელჩ დავით ბაქრაძეს, საქართველოს ელჩს შეერთებულ შტატებში. ძალიან დიდი მადლობა მობრძანებისათვის. გასულ ორშაბათს დავითმა და მისმა მეუღლე ანამ მე და დაგს არაჩვეულებრივ საღამოზე გვიმასპინძლეს. ახლა უკვე შევიგრძენით ის საოცარი სტუმართმოყვარეობა, რომლითაც ქართველები ესოდენ ცნობილი არიან. და მივხვდი, რატომ მაფრთხილებს ყველა, რომ წონისთვის ყურადღების მიქცევა მომიწევს. დიდი მადლობა, დავით.

შესანიშნავია ყველა თქვენგანის ხილვა. ჩემს კარიერაში ამ ეტაპამდე მოსვლისთვის აქ მყოფმა ყველა ადამიანმა წვლილი შეიტანა. მე ნამდვილად ვალში ვარ თქვენთან, იმისათვის, რაც მასწავლეთ და როგორც მიჭერდით მხარს წლების განმავლობაში – ჩემი ოჯახი, მეგობრები, კოლეგები და მისაბაძი ადამიანები. ძალიან შესაფერისია ამ ნაბიჯის თქვენს გარემოცვაში გადადგმა.

უპირველეს ყოვლისა, მსურს, მადლობა გადავუხადო ჩემს პარტნიორს, დაგ მორისს, მისი მოთმინების, დამთმობლობისა და სიყვარულით სავსე მხარდაჭერისთვის გასული 14 წლის განმავლობაში. დაგი საზღვარგარეთ გაიზარდა და დიპლომატიურ ცხოვრებას ენთუზიაზმით შეხვდა. ეს არ არის ყოველთვის მარტივი ცხოვრება და თავს იღბლიანად მივიჩნევ, რომ ჩვენი შემდეგი თავგადასავლისას დაგი გვერდით მეყოლება. იგი ნამდვილად ისევე აღტაცებულია საქართველოს გაცნობით, როგორც მე.

ვისურვებდი, რომ ჩემი მშობლები ამ დღეს მოსწრებოდნენ. ისინი მშრომელი ამერიკელები იყვნენ პატარა ქალაქიდან; მათ ჩამინერგეს პასუხისმგებლობის მტკიცე გრძნობა და პატივისცემა ტოლერანტობისა და სამართლიანობისადმი. მე მათი უზომოდ მადლიერი ვარ.

ბედნიერი ვარ, რომ ჩემი დები, კეიტი და კიმი დღეს ჩემთან არიან. ისინი არიან წარმოუდგენლად შთამბეჭდავი ქალები, რომელთაც პატარა დისთვის არ დაუშურებიათ სიყვარული, რჩევა და მხარდაჭერა. რაც თავი მახსოვს, ისინი აოცებენ ხალხს თავიანთი მიღწევებითა და ინტელექტით. ძალიან ვამაყობ ორივე მათგანით და მათი მიღწევებით.

ელჩების სემინარზე გვირჩიეს, რომ გაგვეკეთებინა ჩანაწერი, რათა საკუთარი თავისთვის შეგვეხსენებინა, რატომ ამოვირჩიეთ დიპლომატიური სამსახური, რატომ ავირჩიეთ ეს კარიერა. მგონი, ეს მორა ჰარტის რჩევა იყო.

ამან თითქმის 30 წლის უკან დამაბრუნა, სანამ დიმპლომატიურ სამსახურს დავიწყებდი, როდესაც წყნარი ოკეანის დასავლეთით მდებარე კუნძულოვან სახელმწიფო პალაუს უზენაეს სასამართლოში იურისტად ვმუშაობდი. მაშინ, როგორც ახლა, ჩემი მოტივაცია იგივე იყო: მინდოდა მნიშვნელოვანი რამ გამეკეთებინა. მსურდა, ამერიკას დავხმარებოდი უკეთესი მსოფლიოს შენებაში.

26 წლისა და რვა ქვეყანაში 12 მისიის შემდეგ, მე კვლავ დარწმუნებული ვარ, რომ ამერიკას სასიცოცხლოდ მნიშვნელოვანი როლი აქვს მთელ მსოფლიოში ხალხთა ცხოვრების ხარისხის გაუმჯობესებისა და ყველა ჩვენგანისთვის უკეთესი მომავლის შექმნის საქმეში.

ჩემი კარიერის განმავლობაში ვმუშაობდი ამერიკის გავლენის გამტკიცებისთვის ხალხთან ურთიერთობითა და იმ ღირებულებებისადმი ერთგულების წარმოჩენით, რომელიც გრძელვადიანი დემოკრატიის საფუძველია: პატივისცემა, ტოლერანტობა, პატიოსნება, სამართლიანობა და თავისუფლება. მე ნამდვილად მჯერა, რომ დემოკრატიას მოაქვს უდიდესი თავისუფლება და შესაძლებლობები ყველაზე მეტი ადამიანისთვის. ზოგჯერ ის უწესრიგოა, ზოგჯერ არაპროგნოზირებადი, მაგრამ ჩერჩილი მართალი იყო, როდესაც თქვა, რომ დემოკრატია მმართველობის ყველაზე ცუდი ფორმაა, თუ არ ჩავთვლით ყველა დანარჩენს.

ჩემთვის განსაკუთრებული პატივია, რომ საქართველოში აშშ-ის ელჩად შემარჩიეს. ეს არის ქვეყანა, რომელიც იზიარებს ამერიკის სიყვარულს თავისუფლებისა და დემოკრატიისადმი. ამერიკის მსგავსად, საქართველომაც იბრძოლა დამოუკიდებლობის მისაღწევად – ეს რთულად მოპოვებული დამოუკიდებლობა რუსეთის გამო საფრთხის ქვეშ რჩება. ახლა ერთად ვიბრძვით ნატოს მტკიცე მხარდაჭერის მისიაში, რათა დავეხმაროთ ავღანელებს დაიცვან თავიანთი თავისუფლება და ააშენონ თავიანთი დემოკრატია.

ამერიკელთა მსგავსად, ქართველებს სურთ ბიზნეს საქმიანობის გაფართოება, სამართლიან არჩევნებში ხმის მიცემა, პასუხისმგებლიანი მედიის მოსმენა, აღმსარებლობის თავისუფლება და შვილების ისეთ ქვეყანაში გაზრდა, სადაც კანონი უზენაესია. დარწმუნებული ვარ, რომ კიდევ ბევრ მსგავსებას ვნახავ ქართველებსა და ამერიკელებს შორის რაც უფრო დიდხანს ვიცხოვრებ იქ.

ელჩად მსახური უნიკალური შანსია, მნიშვნელოვანი საქმის გასაკეთებლად. აშშ-ის ელჩის რანგში ჩემი მთავარი მოვალეობა ამერიკის ინტერესების ხელშეწყობა და დაცვაა, რასაც დიდი ენთუზიაზმით გავაკეთებ.

მე, ასევე, მოწადინებული ვარ, გაგრძელდეს ამერიკის მტკიცე თანამშრომლობა საქართველოსთან, მათ შორის დემოკრატიის განვითარების, ვაჭრობის, კეთილდღეობისა და უსაფრთხოების კუთხით. ერთობლივი წვრთნებითა და სწვალებებით ჩვენ ვაძლიერებთ საქართველოს უნარს, დაიცვას საკუთარი საზღვრები. ეს საქართველოს სუვერენიტეტისა და ტერიტორიული მთლიანობის მხარდაჭერისადმი ამერიკის მტკიცე ერთგულების მნიშვნელოვანი მაჩვენებელია.

ჩვენი მხარდაჭერის პროგრამები, მათ შორის USAID-ის ძლიერი მისია, ხელს უწყობს ინკლუზიურ ეკონომიკურ ზრდას და მხარს უჭერს ძლიერი დემოკრატიული ინსტიტუტების განვითარებას. ჩვენი თანამშრომლობა სამხედრო და უსაფრთხოების საკითხებში საქართველოს აშშ-სა და ნატოს ძალებთან თავსებადობის დონეს ზრდის, რეგიონულ და გლობალურ უსაფრთხოებას უწყობს ხელს და საქართველოს საკუთარი ტერიტორიის დასაცავად უკეთ ამზადებს.

თქვენ, შესაძლოა, არ იცოდეთ, რომ ათასწლეულის გამოწვევის კორპორაცია (MCC) და საქართველო 2006 წელს გაერთიანდნენ, რათა უკეთესი საგანმანათლებლო შესაძლებლობები შეექმნათ, განსაკუთრებით, ზუსტი მეცნიერებების, ტექნოლოგიის, ინჟინერიისა და საქართველოს ინფრასტრუქტურის განვითარების მიმართულებით. საქართველო იმდენად კარგი პარტნიორი იყო, რომ MCC-მ ახლახან მეორე კომპაქტიც დაასრულა.

ჩვენი სამედიცინო ექსპერტებიც თანამშრომლობენ, დაავადებათა კონტროლის ცენტრის აქტიური პროგრამით ინფექციურ დაავადებებთან საბრძოლველად, მათ შორისაა C ჰეპატიტის აღმოფხვრის მასშტაბური პროგრამა. და ჩვენ გვყავს მშვიდობის კორპუსის ასზე მეტი მოხალისე, რომელიც ცხოვრობს და მუშაობს საქართველოს სოციალურად დაუცველ საზოგადოებებთან. მეტიც, ჩემი დისშვილი, ჯინა, ერთ-ერთი მათგანი იყო.

მაშინ, როდესაც იმედის თვალით ვუყურებთ საქართველოს მომავალს, ღირს გავიხსენოთ საიდან დაიწყო საქართველომ და რამდენს მიაღწია ამ ქვეყანამ ომის, ოკუპაციის, ეკონომიკური ემბარგოებისა და მტრული, აგრესიული მეზობლის მიუხედავად.

ქართველებმა ყოფილი საბჭოთა რესპუბლიკა აქციეს ფუნქციურ, დემოკრატიულ სახელმწიფოდ, ეს პატარა საქმე არ არის. საქართველომ შთამბეჭდავ პროგრესს მიაღწია ბიზნესის კეთების სიმარტივით, კორუფციასთან ბრძოლითა და დემოკრატიის მხარდასაჭერად აუცილებელი ინსტიტუტების მშენებლობით.

ამჟამად აქცენტი სისტემებისა და კანონების განხორციელებასა და აღსრულებაზეა, რათა გარანტირებული იყოს თანასწორობა, სამართლიანობა და გამჭვირვალობა.
წლევანდელი საპარლამენტო არჩევნები მნიშვნელოვანი შესაძლებლობაა ქართველებისთვის, აჩვენონ მსოფლიოს, რომ ის პროგრესი, რომლისთვისაც ამდენი იშრომეს, შეუქცევადია. მოუთმენლად ველი საქართველოს მთავრობასა და სამოქალაქო საზოგადოებასთან თანამშრომლობას თავისუფალი და სამართლიანი საარჩევნო პროცესის მხარდასაჭერად.

ჩვენ ვრცელი სამუშაო გეგმა გვაქვს საქართველოსთან და ბევრს ველით ჩვენი ქართველი მეგობრებისგან. ქართველებმა გვაჩვენეს, რომ აქვთ შეუპოვრობა და მხნეობა იმ დემოკრატიული პროცესების დასაცავად და საჭირო რეფორმების გასატარებლად, რომლის დამკვიდრებისთვისაც ამდენი იშრომეს და რაც ძალიან მნიშვნელოვანია, საქართველოს ტრანსატლანტიკური ინტეგრაციისათვის.

ეჭვგარეშეა, რომ საქართველო შეერთებული შტატების მნიშვნელოვანი და სტრატეგიული პარტნიორია. თითქმის ოცდაათწლიანი თანამშრომლობის განმავლობაში ჩვენ მოწმენი გავხდით შესანიშნავი ტრანსფორმაციისა, რაც ქართველების სიმამაცისა და საკუთარი ქვეყნის დამოუკიდებლობის სიყვარულის შედეგია.

საქართველოს ბევრი საამაყო აქვს და შეერთებული შტატებისთვის პატივია ჩვენი ქართველი მეგობრების გვერდით დგომა.
ჩვენ ძლიერი მოტივაცია გვაქვს და როგორც ელჩი, მე ერთგული ვარ ჩვენი პარტნიორობის სიმტკიცის შენარჩუნებისა ამ ნათელი მომავლის გზაზე, რის მიღწევასაც ყველა ქართველი იმსახურებს.

დავასრულებ პირადი ნოტით. მე არ დამისახავს მიზნად, რომ ელჩი გავმხდარიყავი. მაგრამ, როდესაც გიყვარს, რასაც აკეთებ, როდესაც გჯერა იმისი, რასაც აკეთებ და იმ ადამიანების, რომლებთან მუშაობის პატივი გხვდება წილად, ზოგჯერ გასაოცარი ამბებიც ხდება.

აქ მყოფი ახალგაზრდა ქალებისა და კაცების, განსაკუთრებით ქალების გასაგონად ვიტყვი. მე მოგიწოდებთ, იმუშაოთ ბევრი იმისთვის, რისიც გწამთ და იყოთ ერთგული ჩვენი ფუნდამენტური ღირებულებებისა: გულწრფელობის, პატიოსნების და ქვეყნის მსახურების. ეს გაგაძლიერებთ. ეს არის ის, რამაც გახადა ამერიკა ძლიერი და რითიც გაგრძელდება ამერიკის ლიდერობის აღმავლობა მთელ მსოფლიოში.

ძალიან დიდი მადლობა, რომ დღეს ჩემთან ერთად იყავით”

კომენტარები

რედაქტორის რჩევით

„შპიონები, ჯაშუშები და ბოზები თავიანთ წრეში მოიკითხონ“ – რას უყვება გურამ აბსანძე „ალიას“?
ახალი ამბები

„შპიონები, ჯაშუშები და ბოზები თავიანთ წრეში მოიკითხონ“ – რას უყვება გურამ აბსანძე „ალიას“?

22:21 08-07-2022
როგორ დაშალა კობახიძემ ოპოზიცია და ვინ აღმოაჩინა ბირთვული გახლეჩა?
ახალი ამბები

,,კობახიძე ამით რუსეთს ეუბნება, მე თუ პრობლემები შემექმნა, მოდი ტანკებით!” – გია ხუხაშვილი

03:00 08-07-2022
რას მოუტანს ჯო ბაიდენის გაპრეზიდენტება საქართველოს და რას უნდა ელოდოს ხელისუფლება ამერიკის ახალი მმართველისგან?
ახალი ამბები

დაიწყება თუ არა მესამე მსოფლიო ომი? – რა მნიშვნელოვან ფაქტებს იხსნებს სოსო ცინცაძე

03:34 08-03-2022
,,ბიძინა და მისი როიალი”
ახალი ამბები

„ივანიშვილის მითითებით, მმართველი გუნდი იმ მესიჯ-ბოქსით მოქმედებს, რომელსაც ირაკლი კობახიძე ახმოვანებს“ – „ივანიშვილმა ეს ყველაფერი, პრაქტიკულად, დაადასტურა“

11:03 07-31-2022

ბიზნესი

ბიუ ბიუ 9 წლის გახდა!
ბიზნესი

ბიუ ბიუ 9 წლის გახდა!

20:04 08-05-2022
„გავაერთიანოთ პასუხისმგებლობა და უკეთესობისკენ შევცვალოთ საგზაო მოძრაობის კულტურა“ – დათა ქაჯაია „თეგეტა ჰოლდინგის“ კამპანიაში
ბიზნესი

„გავაერთიანოთ პასუხისმგებლობა და უკეთესობისკენ შევცვალოთ საგზაო მოძრაობის კულტურა“ – დათა ქაჯაია „თეგეტა ჰოლდინგის“ კამპანიაში

16:35 08-03-2022
„იმპექსში“ პრემიუმ კოსმეტიკურ ბრენდებსა და ბავშვთა აქსესუარებზე 1+1 აქცია 29-30 ივლისს იმოქმედებს
ბიზნესი

„იმპექსში“ პრემიუმ კოსმეტიკურ ბრენდებსა და ბავშვთა აქსესუარებზე 1+1 აქცია 29-30 ივლისს იმოქმედებს

09:00 07-29-2022
იზრუნე საგზაო მოძრაობის უსაფრთხოებაზე – „თეგეტა მოტორსის“ ახალი კამპანია
ბიზნესი

იზრუნე საგზაო მოძრაობის უსაფრთხოებაზე – „თეგეტა მოტორსის“ ახალი კამპანია

19:30 07-22-2022
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • გურმანი
  • სხვადასხვა
  • არქივი

Powered By || My Software || © 2021 Alia.ge - All rights reserved

არაფერი მოიძებნა
იხილეთ ყველა შედეგი
  • ახალი ამბები
  • ექსკლუზივი
  • ბიზნესი
  • რედაქტორის რჩევით
  • გურმანი
  • სხვადასხვა
  • რეკლამა
  • კონტაქტი

Powered By || My Software || © 2021 Alia.ge - All rights reserved