“სისხლით, ან სისხლის კომპონენტებით ვაჭრობა” – სანზონაში, ბინიდან გახრწნილი ხორცის ამოღების საქმე

საცხოვრებელი ბინა, სადაც გახრწნილი ხორცი და ფეკალიებით სავსე კონტეინერები აღმოაჩინეს, პოლიციამ დალუქა.

გობრონიძის 28 ნომერში სამართალდამცველები უსიამოვნო სუნით შეწუხებულმა მოსახლეობამ გამოიძახა.

ადგილზე მისულ პოლიციას, ბინის მეპატრონემ კარი არ გაუღო, ამის შემდეგ კი სამართალდამცველები სახლში ძალის გამოყენებით შევიდნენ.

ბინის მეპატრონე ქალი ამტკიცებს, რომ ხორცი გაფუჭდა, გადაყრა კი დაავიწყდა. ქალი ექიმ-თერაპევტია.

რატომ აღმოჩნდა გახრწნილი ხორცი და ფეკალიები სახლში – ამას ახლა შსს-ს ექსპერტიზა ადგენს.  გამოძიება სისხლის სამართლის კოდექსის 135-ე მუხლით დაიწყო, რაც სისხლით, ან სისხლის კომპონენტებით უკანონო ვაჭრობას გულისხმობს.

წყარო – მთავარი არხი