თანაკლასელის მკვლელობაში ბრალდებული 47 წლის კაცი მოსამართლემ წინასწარ პატიმრობაში გაუშვა – სასამართლო პროცესზე გიორგი ტერაშვილს დუმილი არ დაურღვევია.
ბრალდების მხარის თქმით, კლასელებს შორის მომხდარ სისხლიან ანგარიშსწორებას ფიზიკური დაპირისპირება უძღოდა.
ვიტალი ჯოჯიშვილი სანადირო თოფიდან გასროლით ყელის არეში მიყენებული ჭრილობით ადგილზე გარდაიცვალა.
გავრცელებული ინფორმაციით, ბრალდებულსა და მოკლულს შორის დაპირისპირება არაერთი პირის თანდასწრებით მოხდა. მას შემდეგ, რაც ვიტალი ჯოჯიშვილმა და გიორგი ტერაშვილმა იჩხუბეს, ბრალდებული სახლში წავიდა, მის სახელზე რეგისტრირებული თოფი აიღო და მეზობლის სახლში მყოფ მსხვერპლს ესროლა.
როგორც გორის რაიონის სოფელ მეჯვრისხევში ამბობენ, ამჟამად დაკავებულს ძალის გამოყენებით წაართვეს იარაღი და პოლიციის მოსვლამდე თავად თვითმხილველებმა დაადეს.
ბრალდებულის მხრიდან არსებობდა მტკიცებულების განადგურების, ახალი დანაშაულის, ჩადენის მიმავლის მომეტებული საფრთხე არსებობდა. ბრალდებულსა და დაზარალებულს წარსულში ერთმანეთთან კონფლიქტი ჰქონდათ. კონფლიქტი მოხდა მკვლელობის დღესაც, რის შემდეგაც ისინი ადგილზე მყოფმა პირებმა გააშველეს, ამის შემდეგ ბრალდებული წავიდა სახლში, აიღო მის სახელზე რეგისტრირებული სანადირო თოფი და უკვე დასრულებული კონფლიქტის დროს, მეზობლის სახლში მყოფ თანასოფლელს, თანაკლასელს სწორედ ამ თოფის გამოიყენებით მიაყენა სასიკვდილო ჭრილობა.
ბრალდებული წარსულში არაერთხელ არის ნასამართლევი ძალადობრივი დანაშაულისთვის”- ამბობს პროკურორი.
დაცვის მხარე მოსამართლე დავით მაკარაძის გადაწყვეტილებას არ ეთანხმება და მის გასაჩივრებას თბილისის სააპელაციო სასამართლოში გეგმავს.
შემდეგი პროცესი 4 აგვისტოს არის ჩანიშნული. მკვლელობა სოფელ მეჯვრისხევში 2 დღის წინ მოხდა.
წყარო: ტვ პირველი
კომენტარები