“სიმპათიური ინფორმაცია გვაქვს, თბილისმა ივარგა… იქნება უზარმაზარი აქცია” – თაკო ჩარკვიანი

დეპუტატი, თაკო ჩარკვიანი, “ტვ პირველთან” ამბობს:

“ამ დროისთვის სიმპათიური ინფორმაცია გვაქვს, თბილისმა ივარგა. არჩევნები კოალიციისთვის მიდის ძალიან საინტერესოდ. 9 წელი ვერაფერი გააკეთეს, წუმპეშია ქვეყანა.

ხელჩართული ომია, რადგან იციან, რომ წაგებული აქვთ არჩევნები.

რაც შეეხება სააკაშვილის დაკავების პროცესს, ეს არჩევნებს უკავშირდება, არ მინდა საათი ვთქვა, მაგრამ გაგრძელება ექნება… იქნება უზარმაზარი აქცია, როგორც ჩანს, მათთვის ეს ცნობილია, დაიწყეს გზის გადაკეტვა… ჩვენ დღევანდელი დღე არ დავაანონსეთ, რომ ადამიანებს არ შევუშალოთ ხელი.

4 დღის განმავლობაში ადამიანი ყველგან იღებდა ფოტოებს… იმდენად დაუცველია საზღვარი… ეს ფაქტი აისახება არჩევნებზე. მის ვაჟკაცობას პატივს ცემს ქართველი ხალხი.”