“სიმონიანი და ზახაროვა მასწავლებლებს ასწავლიან რა და როგორ ასწავლონ ბავშვებს გმირ პუტინზე…!”

რუსეთის სკოლებში პუტინის რეჟიმის აქტიური პროპაგანდა დაიწყო. ამჯერად მარგარიტა სიმონიანსა და მარია ზახაროვას დაევალათ, დაატრენინგონ ქვეყნის პედაგოგები ისე, რომ მათ ბავშვებს რუსეთ-უკრაინის ომზე მცდარი ინფორმაცია მიაწოდონ.

ინტერნეტში უკვე გავრცელდა კადრები ონლაინ ტრენინგიდან. საგარეო საქმეთა სამინისტროს პრესსპიკერმა ზახაროვამ განაცხადა, რომ მასწავლებელს ახლა განსაკუთრებული მისია აქვთ. მისი თქმით, მასწავლებლებს არ აქვთ უფლება საკუთარი პოლიტიკური შეხედულებები ბავშვებს გაუზიარონ. მათი მისიაა, სწორად აჩვენონ მოსწავლეებს პუტინის როლი მსოფლიოში. სიმონიანის თქმით კი, მასწავლებლების ვალია, ამ ,,უთანასწორო საინფორმაციო ომში”, სკოლის მოსწავლეები სწორ მხარეს დააყენონ.