შიმშილობის მე-13 დღეს შუქრულეთელებს ხელისუფლება ისევ აიგნორებს. პარლამენტის წინ უწყვეტი აქციის მონაწილეები, რომლებმაც პროტესტის უკიდურეს ფორმას მიმართეს და პირები ამოიკერეს, დახმარებას უშედეგოდ ითხოვენ. პროტესტის 43-ე დღეს მათთან არც სახალხო დამცველი გამოჩენილა.
შუქრუთელების ჯანმრთელობის მდგომარეობა დღითიდღე უარესდება. ადგილზე 24 საათის განმავლობაში სასწრაფო სამედიცინო დახმარებაა მობილიზებული, რომელიც საჭიროების შემთხვევაში, პროტესტის მონაწილეებს დახმარებას უწევს.
მოშიმშილეებს შეუერთდნენ მათი ოჯახის წევრებიც, მათ შორის არიან ქალებიც, რომლებიც ფიქრობენ, რომ საჭიროა, პროტესტის ფორმების გამკაცრება.
გუშინ დავბრუნდი საავადმყოფოდან. რა თქმა უნდა, დაშლას არ ვაპირებთ. ქალბატონები შემოგვიერთდნენ, შიმშილობენ ქალბატონებიც, – ამბობს პროტესტის მონაწილე.
სოფელ შუქრუთის მაცხოვრებლები, ჯორჯიან მანგანეზსს მათი სახლების დაზიანების გამო კომპენსაციას სთხოვენ. მათ მთავრობას შუამდგლომლობის თხოვნით არაერთხელ მიმართეს, თუმცა უშედეგოდ.
კომენტარები