ფოტო – ტვ პირველი
“ტვ პირველის” ინფორმაციით, თბილისის პოლიციის მე-7 განყოფილების უფროსის მოადგილის თანამდებობა ვაკანტურია და შსს-ს მაღალჩინოსანი, ლევან აბუაშვილი, მექსიკის საზღვრის უკანონო კვეთით ამერიკაში გაიქცა.
თბილისის პოლიციის მაღალჩინოსნის მამა ამბობს, რომ მისმა შვილმა სამსახური მოულოდნელად დატოვა. ერთ დღეს ლევან აბუაშვილი სახლში მივიდა, მხოლოდ მშობელს უთხრა, რომ სისტემისგან განსხვავებული შეხედულებები ჰქონდა და ქვეყანა უნდა დაეტოვებინა.
ლევან აბუშვილი ახლა ამერიკაში მძღოლად მუშაობს. პარალელურად, ადვოკატის დახმარებით ცდილობს, სასამართლოს დაუმტკიცოს, რომ პოლიტიკურ თავშესაფარს საჭიროებს. გომელაურის უწყებიდან გაქცეულ პოლიციელს სურს, როგორმე, მეუღლე და შვილიც ამერიკაში წაიყვანოს.
მედიის ცნობით, შინაგან საქმეთა სამინისტროდან წასულების რიგებს მთელი ოჯახით შეუერთდა ბაღდათის პოლიციის მაღალჩინოსანიც. გოგა კბილაშვილმა მთელი ცხოვრება ძალოვან უწყებაში გაატარა. კბილაშვილის მეუღლე წლების განმავლობაში, ბაღდათის მერიაში იყო დასაქმებული.
ადვოკატების თქმით, პოლიტიკური თავშესაფარი, დროის ერთ მონაკვეთში, ამდენ ძალოვანს არასდროს მოუთხოვია.
წყარო – ტვ პირველი
კომენტარები