“შოთაძისგან სამართლიანობის აღდგენას და ამომწურავ პასუხებს ველოდებით”

საზოგადოებრივი მოძრაობა “შევინარჩუნოთ სიცოცხლეს” დამფუძნებელი, სამოქალაქო აქტივისტი, ლიკა გამრეკელი, სოციალურ ქსელში, ავრცელებს ფოტოს და წერს:

“საზოგადოებრივი მოძრაობა “შევინარჩუნოთ სიცოცხლე”, მივესალმებით გენერალური პროკურორობის კანდიდატად ირაკლი შოთაძის არჩევას!

მისი პროფესიონალიზმი და გამოცდილება იმედს გვისხავს, რომ 15 წლიანი დაგვიანებით მაინც, მაგრამ სამართლიანობის განცდა დაგვიბრუნდება მოსახლეობას!

ასევე დავძენთ, რომ ჩვენ გვაქვს ლეგიტიმური შეკითხვები პროკურატურის მისამართით და ვითხოვთ ამ კითხვებზე პასუხებს!!!

პროკურატურა, რომელიც სულხან მოლაშვილის ჩვენებაში გიგა ბოკერიას ხსენების მიუხედავად ერთხელაც არ დაკითხავს აღნიშნულ ადამიანს, პროკურატურა, რომელიც სოციალური ქსელით გავრცელებული ყოფილი შინაგან საქმეთა მინისტრის ვანო მერაბიშვილის ვიდეოს (სადაც ის ორ გვამს ითხოვს და პრემიებს პირდება შემსრულებლებს) უყურადღებოთ დატოვებს, და გია კრიალაშვილის საქმეს თაროზე შემოდებს, პროკურატურა რომელიც იური ვაზაგაშვილის, შვილის საფლავზე, უსასტიკესი მკვლელობის, აფეთქების დამკვეთებს ვერ გამოავლენს, ვერ იქნება ჩვენთვის მისაღები!

ირაკლი შოთაძის მაღალი პასუხისმგებლობის განცდის და ადამიანური თვისებების გამო, ვფიქრობთ, იგი აცნობიერებს რომ სანამ ამ კითხვებზე ამომწურავ პასუხებს არ მივიღებთ, პროკურატურას ვერ ექნება 100%-იანი ნდობა ქართული საზოგადოების მხრიდან!”