ფოტოგრაფი მარი ნაკანი წერს, რომ ქალების ჯგუფში (space for female talk ) შეურაცხყოფა მიაყენეს, დასცინეს და გადათელეს:
„გუშინ , საკმაოდ მძიმე საღამო მქონდა …
მინდა გამოვეხმაურო ჩემს ბულინგს ქალების ჯგუფში (space for female talk ) სადაც 100.000 ზე მეტი ქალია გაწევრიანებული.
ამ ჯგუფში 2 წელი ვიყავი გაწევრიანებული.
არასოდეს დამირღვევია წესები.
საჯაროდ ვწერ პოსტს, ჩემს პირად გვერდზე, რადგან ამ ჯგუფიდან ისე დამბლოკეს რომ არ მომეცა შანსი, იქვე დამეწერა ჩემი მოსაზრება.
პირველ რიგში მინდა აღვნიშნო, რომ ეს ჯგუფი ქალებისთვის ძალიან მნიშვნელოვანი სივრცეა, სადაც თავისუფლად საუბრობენ თავიანთ სექსუალურ გამოცდილებაზე და მხარს უჭერენ ერთმანეთს. ჯგუფში პოსტი არ აიტვირთება თუ თემა არ ეხება სქესობრივ ცხოვრებას. მთავარი იდეა არის ის, რომ ქალებმა გავცვალოთ პირადი ინფორმაცია, გვერდში დავუდგეთ ერთმანეთს, გავაძლიეროთ და არა დავამციროთ. ..
იმედგაცრუებული ვარ, რადგან გუშინ მე გავხდი ძალიან სერიოზული ბულინგის მსხვერპლი და კიდევ უფრო გასაკვირი ისაა, რომ ჩემზე პოსტი დადო ერთ-ერთმა ადმინმა – ანუ ჯგუფის წესები დაარღვია, ატვირთა არა სქესობრივ თანაცხოვრებაზე თემა არამედ დადო ჩემი ნამუშევარი და მოუწოდა 100.000 ქალს რომ დამცინონ, როგორც ფოტოგრაფს.
მოხსენიებული ვყავდი სიტყვებით “უტვინო ვითომ ხელოვანი”, რაც დამერწმუნებით, რომ ძალიან შეურაცხმყოფელია. ამის ქვეშ წავიდა ჩემი გინება უტიფარი სიტყვებით, დაცინვა, სხვა ჩემი პოსტების, სქრინების ატვირთვა და ლანძღვა. პირადში აგრესიული წერილები მომდიოდა, მთელი დღე. სხვადასხვა უცნობი ქალებისგან!
არ დაგავიწყდეთ,
ეს არის ქალების ჯგუფი, სადაც განიხილავენ თუ რა ცუდია ბულინგი…ზოგადად ქალის ჩაგვრა. და ამ დროს ადმინი დებს ჩემზე პოსტს და პროპაგანდას უწევს სხვა ქალებს რომ დამცინონ.
მისი სიტყვები იყო: “ მოდით იმდენი დავცინოთ სანამ არ შერცხვება”
ორმაგი სტანდარტია, როდესაც რაღაცას ქადაგებ და ამას თავად აკეთებ.
რაც შეეხება ჩემს პოსტს. ინსტაგრამზე დავდე ალექსანდრა პაიჭაძის ნუდი, რომელიც მე გადავუღე და აღწერაში აუდიტორიას ვკითხე თუ რა იყო მათთვის ქალურობა: თვალები, ხელები, წელი, საჯდომი, მკერდი თუ სხეულის რა ნაწილი. აღვნიშნე, რომ მე მიყვარს თხელი წვივები, წვრილი წელი და ვიწრო კოჭი. ყურადღება მქონდა გამახვილებული მკერდზე.
ჯგუფის წევრებმა ჩემგან ეს ქალის გასაღებად მიიჩნიეს. თითქოს მე ვამბობდი, რომ მხოლოდ ამით უნდა შევაფასოთ ქალი. ლოგიკურია, რომ შიშველი ფოტოს აღწერისას ყურადღება გავამახვილე ფიზიკურ მახასიათებლებზე და არა გონებრივზე. აქვე მინდა აღვნიშნო, რომ მსგავსი პოსტი მეწერა მამაკაცზეც, ჩემი მეგობრის შიშველ ფოტოზე.
არ ვიცი ამის ახსნა რატომ უნდა მიწევდეს, მაგრამ ჩემთვის ქალი ნივთი არ არის. არც იმას ვამბობ, რომ ლამაზი ქალი მხოლოდ ისეთი ან ასეთი უნდა იყოს. ხელოვანი ვარ და ძალიან ბევრნაირი ადამიანი გადამიღია და ყველა მათგანშია სილამაზე, ფიზიკური თუ შინაგანი. არ მინდა ჩემმა პოსტმა შეცდომაში შეგიყვანოთ – არავისთვის არ დამიცინია და არავინ დამიკნინებია! ამას სრული გულწრფელობით ვამბობ. და მაინც, თუ ვინმემ ცუდად იგრძნო თავი ჩემი პოსტის გამო, ბოდიშს ვუხდი. არანაირი ცუდი მიზანი მე არ მქონია – გადავიღე ნუდი და აღვწერე.
ცუდი ის არის, რომ ჯგუფში ისე დავიბლოკე, სრულიად მოულოდნელად, ისე რომ ერთი კომენტარიც კი არ დამიწერია და არ მომეცა იმის შანსი, რომ ჩემი ნამუშევრის ქვეშ, სადაც ასობით ქალი მლანძღავდა, მეც დამეწერა იქ ჩემი აზრი. გარდა აგრესიისა ძალიან ბევრმა უცნობმა ქალმა გამომიცხადა მხარდაჭერა და დიდი მადლობა ყველას, პირადში მწერდნენ წერილებს და მამხნევებდნენ.ამან გადამარჩინა გუშინ.
ეს იყო ძალიან მძიმე დღე. უამრავმა გამლანძღა (მათ შორის ადმინებმაც).
ჯერ იმ ჯგუფში და მერე კიდე ინსტაგრამზე შემოდიოდნენ და ცალკე მწერდნენ დამამცირებელ წერილებს და კომენტარებს.
მე ემოციური ადამიანი ვარ და ჩემზე ასეთი რაღაცები ძალიან მოქმედებს. არავისგან ბოდიშს არ ველი, უბრალოდ მინდოდა საზოგადოებას ცოდნოდა ჩემი მოსაზრება-
არსებობს აზრის გამოხატვის კულტურული ფორმა. ჩვენ, ცივილური ადამიანები ერთმანეთს ისე უნდა ვესაუბროთ რომ საგინებელი სიტყვები არ გამოვიყენოთ.
მითუმეტეს არ უნდა გავლანძღოთ ადამიანი, რომელსაც არაფერი არ დაუშავებია გარდა იმისა რომ თავის საკუთარ გვერდზე გამოფინა თავისივე ნამუშევარი და გამოხატა აზრი.
კრიტიკა გინდა? გამაკრიტიკე, დავფიქრდები, მივიღებ შენს აზრს, მზად ვარ დისკუსიითვის.
მაგრამ მაგინო, დამცინო და სხვა უამრავ ქალს მოუწოდო რო მოდი გოგოებო დავცინოთ? ეს მორალური ტერორია და არაფერ კავშირშია ფემინიზმთან.
წარმატებებს ვუსურვებ ჯგუფს და ერთი თხოვნა მაქვს – აღარასდროს ჩააგდოთ იმ სიტუაციაში სხვა ქალები, როგორშიც მე ჩამაგდეთ. არავინ იცით, ვის რა შინაგანი ომები გვაქვს და როგორ მოქმედებს ეს ყველაფერი ადამიანზე. გავაძლიეროთ ერთმანეთი და აღარ დავხარჯოთ დრო ინდივიდის ამოჩემებაზე და ჯგუფურ ლანძღვაზე.
აქვე კომენტარებში ავტვირთავ ერთ ორ სქრინს სადაც თავად ნახავთ ადმინი გაცხადებულად როგორ მლანძღავს.სხვა გინებები იმდენად მძიმეა რომ არ დავდებ. აქ ჩემი შვილებიც არიან“
კომენტარები