“შევცდი… ძალიან გული დამწყდა, თუ ეს მართლა თქვა კალაძემ…” – გიორგი გახარია

პარტია “საქართველოსთვის” ლიდერი, გიორგი გახარია, “ტვ პირველთან” ამბობს, კალაესთან შეხვედრის დეტალებზე საუბრობს და ამბობს, რომ კალაძე მას ნორმალურად შეხვდა:

“დღისით, 11 საათზე, მივედი ღიად მერიაში კალაძესთან ერთი მიზნით, გამეფრთხილებინა,რომ მე დღეს გავხდებოდი მისი კონკურენტი. ეს იყო და ეს, ამის იქეთ არაფერი ყოფილა. ჩემთვის ეს იყო პატივისცემა იმ წლების თანამშრომლობის, რომელიც ჩვენ გვაკავშირებდა. ეს ჩემი პრინციპია და მე ვთვლი, რომ სწორად მოვიქეცი.

პრემიერობიდან რომ წავედი, სწორედ იგივე პრინციპით გავაკეთე ის ზარი, რომელიც გავაკეთე ივანიშვილთან, არ მინდოდა გაეგო ჩემი გადადგომის შესახებ ტეევიზორიდან.

ზოგს ეს ჩემი ფასეულობა არ ესმის. ახლა მითხრეს, კალაძეს უთქვამს ვერ გავიგე რა უნდოდაო, რისთვის მოვიდაო. ძალიან გული დამწყდა, თუ ეს მართლა თქვა.

იქ (იგულისხმება ჟურნალისტებთან შეხვედრა) იმდენი კითხვა დამისვეს, იმდენი ჭორი, რომ მე ვთქვი რომ ეს იყო ტყუილი. ეს იყო პირველი შეხვედრა კალაძესთან, მას მერე რაც თანამდებობა დავტოვე.

ეს იყო ორ ადამიანს შორის ადამიანური საუბარი.

შევცდი, როდესაც მესამე პირები, ორ ადამიანს შორის გულწრფელ საუბარზე ჭორაობენ, რა თქმა უნდა, შევცდი. ადამიანი ვარ.”