“შევეცდებით, რომ ეს სერიოზული ხარვეზი აღმოვფხვრათ” – მდინარაძე

ქართული ოცნების აღმასრულებელმა მდივანმა, მამუკა მდინარაძემ ჟურნალისტის კითხვის საპასუხოდ, თუ რაზე გააკეთებს აქცენტს მმართველი პარტია საპრეზიდენტო კანდიდატის შერჩევისას, რადგან ბოლო დროს “პრეზიდენტებში არ უმართლებთ”, ამბობს:

ახლა შევეცდებით, რომ ეს სერიოზული ხარვეზი აღმოვფხვრათ და ისეთი კანდიდატი დავასახელოთ,  რომელიც თავიდანვე გამორიცხავს ვარაუდს, რომ მანაც არ გაამართლოს. 

აქედან გამომდინარე, ჩვენ მართლა ბევრი კანდიდატის შესახებ უკვე გვიმსჯელია გუნდის შიგნით. 

ჩვენ უფრო ადრე შეიძლება გავახმოვანოთ საბოლოო გადაწყვეტილება პრეზიდენტის კანდიდატურასთან დაკავშირებით, ვიდრე ეს თქვენ წარმოგიდგენიათ. 

ამიტომ შევეცდებით, რომ თარიღის გამოცხადებასთან ძალიან ახლო და შემჭიდროებულ ვადებში ვისაუბროთ ჩვენს პრეზიდენტობის კანდიდატზე.