თამო კეშელავა
„ალიას” ესაუბრება უშიშროების ყოფილი თანამშრომელი, რომელიც ამჟამად უკრაინაში ცხოვრობს და ვინაობის გამჟღავნება, გასაგებ მიზეზთა გამო, არ სურს.
ხელისგულზე დევს უკვე, რომ მიდის ხელისუფლების გადაბარება და მიუხედავად იმისა, რომ მე არც ერთი მხარის მომხრე არა ვარ, მე რომ დღეს საქართველოში ვიყო, გამოვიდოდი და დავიწყებდი აქციებს ხელისუფლების წინააღმდეგ, იგი ამბობს, რომ მოიგო არჩევნები და ხალხის მანდატი მისია, ვინ მისცა ხელისუფლებას უფლება ხალხის გარეშე, ხალხის ზურგსუკან, ეს მანდატები ვინმეს გადააბარონ? ხომ ამბობენ, „ოცნების„ მომხრეები, რომ მიშა „სიმულიანტია“? რატომ არ ითხოვენ ახლა ამ „სიმულიანტი“ მიშას დაბრუნებას გლდანის ციხეში? რას ელოდებიან? რატომ არ ითხოვენ მის გასამართლებას?
ჯერ მოეთხოვათ პასუხი კობახიძისთვის, მერე ღარიბაშვილისთვის და მივიდოდნენ ბოლოს ივანიშვილის კვალამდეც. სად არის ეს ვითომ პატრიოტული პარტიები? რომლებიც იძახიან, რომ არ დაუშვებენ მიშას მობრუნებას, მაგრამ, ამასობაში მიშა მათ თვალწინ, სასაცილო პოლიტიკოსიდან ლამის გმირად აქცია ოცნებამ?
კითხულობენ, რა მოიგო მიშამ ამ 50 დღეშიო – რა მოიგო და გაიცოცხლა პოლიტიკური იმიჯი, აღიდგინა პოლიტიკური რეპუტაცია, მოახერხა მიექცია ყველას ყურადღება ციხიდანაც კი, მიუხედავად იმისა, რომ ბევრად დიდხანს იბრძოლა ამისთვის ნავალნიმ, ეს ვერ მოახერხა. ვერც ვერავინ მოახერხა დღემდე.
ყველაფერი თავიდან ბოლომდე, ქვეყანაში შემოსვლიდან დაწყებული, ვითომ 4 დღე რო მისი შემოსვლის შესახებ არავინ იცოდა და ა. შ. ყველაფერი ემსახურებოდა მიშას პოლიტიკურ პიარს და ეს პიარი მას გაუკეთა „ქართულმა ოცნებამ“ – ჰოდა, სად არის ოცნების ამომრჩეველი? მან მისცა ამ პარტიას მანდატი, ხო?
აღიაროს „ოცნებამ“, რომ მიდის ხელისუფლების გადაბარების პროცესი, რომ არის მიშასთან შეთქმული და არის ხალხის მიერ მინიჭებული მანდატის მოღალატე! ან თქვას, რომ მანდატი და ხალხის ხმები მოიპარა და აპირებს ამ ხმების მოგებული, გამარჯვებული ოპოზიციისთვის დაბრუნებას. ვინმეს, რომელიმე ვითომ პატრიოტულ პარტიას შეუძლია გამოვიდეს და ღიად თქვა, კობახიძე, ღარიბაშვილო, თქვენ ივანიშვილის დავალებით, დანაშაულებრივი, ჩუმი, ღალატობრივი გზით ახდენთ მიშასთვის ხელისუფლების გადაბარებას? ექნება ვინმეს ამის თქმის თავი, ძალა და სურვილი?
კომენტარები