“შესრულდა 33 წელი სოხუმის დაცემიდან. ამ საშინელმა ომმა მოიტანა 30 000-მდე დაღუპული, ასობით ათასი განდევნილი თავისი მიწა-წყლიდან, თავისი სახლიდან მხოლოდ იმიტომ, რომ ქართველია” – პატრიარქი შიო III

საქართველოს კათოლიკოს-პატრიარქმა, შიო მესამემ აფხაზეთის ომში დაღუპულთა სულის მოსახსენებელი პანაშვიდი სამების საკათედრო ტაძარში გადაიხადა.

“შესრულდა 33 წელი აფხაზეთის ომიდან, სოხუმის დაცემიდან. ამ საშინელმა ომმა მოიტანა 30 000-მდე დაღუპული ადამიანი, ასობით ათასი განდევნილი თავისი მიწა-წყლიდან, თავისი კუთხიდან, თავისი სახლიდან მხოლოდ იმიტომ, რომ ქართველია. მახსენდება კათოლიკოს-პატრიარქ ილია მეორის სიტყვები, რომ იმ ომში არავინაა გამარჯვებული – აფხაზებიც დამარცხდნენ და ქართველებიც დამარცხდნენ.

დღეს ჩვენ აღვასრულეთ პანაშვიდი, მოვიხსენიეთ ყველა, ვინც დაიღუპა ამ ომში”, – აღნიშნა პატრიარქმა.