ჟურნალისტი, ვახო სანაია:
“შერჩევითი სამართლისა და უსამართლობის კლასიკური მაგალითი. სია უსასრულოა. აღქმის გამარტივების მიზნით მხოლოდ ზოგიერთს დავწერ.
● ციხეში ზის კრიტიკული ტელევიზიის ერთ-ერთი მფლობელი, მენეჯერი და რეჟიმის ერთ-ერთი მთავარი კრიტიკოსი ნიკა გვარამია ავტომანქანის საქმეზე, რომელზეც არა მხოლოდ პატიმრობის შეფარდებაა წარმოუდგენელი აბსურდი, ზოგადად ამ საქმის სისხლის სამართალში გადატანაა სიგიჟე.
ამ დროს გამოუშვეს, გარეთაა :
● თემურ აბაზოვი მარნეულის ყოფილი მერი, ივანიშვილის დაცვის ყოფილი წევრი – ჯგუფურად ჩადენილ არაადამიანურ მოპყრობასა და პირადი ინფორმაციის ხელყოფაში იყო მხილებული. მოქალაქეს სახეზე შარდის წასმა აიძულეს. გაათავისუფლეს და ათლეტიზმის ფედერაციის ვიცე-პრეზიდენტადაც დასვეს.
შერჩევითი სამართლისა და დაუსჯელობის ფაქტების ჩამოწერას ფურცლები და დრო არ ეყოფა.
——
პრეზიდენტ სალომე ზურაბიშვილის მიერ დამნაშავეთა შეწყალების რამდენიმე ფაქტი :
● 140-ე მუხლი – შეწყალებულია 1 ადამიანი. დანაშაული: სექსუალური ხასიათის შეღწევა თექვსმეტი წლის ასაკს მიუღწევლის სხეულში.
● 108-მუხლი – შეწყალებულია 2 ადამიანი. დანაშაული: განზრახ მკვლელობა.
● 109-ე მუხლის მე-2 ნაწილი, 19-109-ე მუხლის მე-2 ნაწილი, 236-ე მუხლის პირველი და მე-2 ნაწილები – შეწყალებულია 1 ადამიანი. დანაშაული: განზრახ მკვლელობა დამამძიმებელ გარემოებაში, განზრახ მკვლელობის მცდელობა დამამძიმებელ გარემოებებში, ცეცხლსასროლი იარაღის (გარდა სანადირო გლუვლულიანი ცეცხლსასროლი იარაღისა (თოფისა)), საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარება, დამზადება, გადაზიდვა, გადაგზავნა ან გასაღება.”
კომენტარები