აქონდროპლაზიის სინდრომის მქონე ბავშვების მშობლების აქციას აშშ-ში მცხოვრები ქართველი ექიმი, ნანა გეგეჭკორი, ეხმაუერება და სოციალურ ქსელში სტატუსს აქვეყნებს.
გეგეჭკორის პოსტს უცველელად გთავაზობთ:
“მე პირადად არა ერთხელ მომსვლია წერილი საქართველოდან, იშვიათი დაავადების მქონე ბავშვების მშობლებისგან შველის თხოვნით. არა მგონია ძალიან ბევრნი იყვნენ, ის კი ნამდვილად ვიცი რომ სრულიად მიტოვებული არიან სახელმწიფოს მხრიდან. უმარტივესად მოსაძიებელი ინფორმაციაც კი არ გააჩნიათ.
ჩვენს ქვეყანას პატრონი რომ არ ყავს ეს უკვე ვიცით, მაგრამ მოქალაქეები რომ ყავს კარგი ესეც ნამდვილად ვიცით. იქნებ შევთავაზოთ მთავრობას…
არ გვინდა კონცერტი, შექმნან იშვიათი დაავადებით დატანჯული ბავშვების მოვლის ფონდი, გადარიცხონ კონცერტებისთვის გამოყოფილი სამოცდაათი მილიონი იმ ფონდში, ჩვენ მოქალაქეები კი ვიყიდით იმ კონცერტების ბილეთებს წარმოდგენის გარეშე და ასე შევიტანთ წვლილს ბავშვების ფონდში. დარწმუნებული ვარ ვისაც შეუძლია ყველა იყიდის ბავშვების ბავშვების ბედნიერებას. მეც ვიყიდი ამ “კონცერტის” ბილეთებს და შევეცდები ჩემმა ყველა მეგობარმა იყიდოს.
საქართველოს მთავრობასაც შეეწირება მადლად და რაც მთავარია უამრავი ბავშვი იგრძნობს რომ მათი სიცოცხლე ისევე მნიშვნელოვანია როგორც მდიდარი მშობლების შვილების.
ფონდმა თანაბრად უნდა იზრუნოს ყველა ბავშვზე, ვინც იშვიათი დაავდებით იტანჯება.
საუბარი არაა იმაზე რომ ბიუჯეტმა ვინმეს ან რამეს უნდა მოაკლოს თანხები და ისე მოუაროს თავის მოქალქეებს, ამ კონკრეტულ ფონდს უბრალოდ უნდა შესწირონ ის სამოცდაათი მილიონი რომელიც აბსურდულ გართობაში უნდა გადაყრილიყო. მოქალქეები კი გავიღებთ იმ თანხას რითიც უკლასო მომღერლების მუსიკა უნდა მოგვესმინა. ამ ბავშვების სიხარულით ბევრად მეტ სიამოვმებას მივიღებთ” – წერს ნანა გეგეჭკორი.
კომენტარები