აშშ-ს მიერ სანქცირებული მოსამართლე, ირაკლი შენგელია “პირველებთან” ადასტურებს, რომ ცოლს 150,000 მართლაც აჩუქა, თუმცა ირწმუნება, რომ ეს თანხა ბინის გასხვისების შედეგად მიიღო. (რაც ასევე დეკლარაციაში აქვს მითითებული)
“ბინა გაიყიდა და ის თანხაა, არ კითხულობთ დეკლარაციაში, რომ ბინის გასხვისების შედეგად არის მიღებული ეს თანხა?” – ამბობს შენგელია.
მედიის კითხვაზე, ხომ არ მოხდა მეუღლისთვის ფულის ჩუქება მისი სანქცირების გამო და ხომ არ სარგებლობს სწორედ ცოლის ანგარიშებით, ირაკლი შენგელია ამბობს – “ჩემი მეუღლეა და მინდა ვაჩუქებ, მინდა არ ვაჩუქებ, რა პრობლემა არის, ხომ არ ვმალავ არა”.
ცნობისთვის, “საერთაშორისო გამჭვირვალობა- საქართველომ” დღეს თანამდებობის პირების მიერ 2025 წლის იანვარ-აგვისტოში შევსებული დეკლარაციები გამოაქვეყნა, სადაც შვილების, მეუღლეების და მშობლების სახელით საჩუქრად მიღებული დიდი ფულზე იყო საუბარი.
სწორედ ამ ჩამონათვალში მოხვდა მოსამართლე ირაკლი შენგელიაც.
TI-ის ცნობით, სანქცირებულმა მოსამართლის მეუღლემ ლანა თევზაძემ 150,000 დოლარი მიიღო საჩუქრად ირაკლი შენგელიასგან. დეკლარაციაში მითითებული აქვს, რომ ბინის გასხვისებით მიღებული თანხა აჩუქა მეუღლეს. 2024 წლის ლარის საშუალო კურსით, საჩუქრის ღირებულება 406,500 ლარია.
ნინო ბაგაშვილს 130,000 დოლარი აჩუქეს – თანამდებობის პირებმა 12 მილიონის საჩუქრები მიიღეს – TI
კომენტარები