“მთავარი არხის” გენერალური დირექტორის, ნიკა გვარამიას მიერ გასაჯაროებულ სუს-ის საიდუმლო ჩანაწერებს GDI-ის იურისტი გიორგი მშვენიერაძე ეხმაურება.
როგორც გიორგი მშვენიერაძე სოციალურ ქსელში წერს, ის ადასტურებს, რომ მასსა და გიორგი ონიანს შორის საუბარი შედგა.
“შემიძლია დავადასტურო, რომ მსგავსი საუბარი ჩემსა და Giorgi Oniani-ს შორის ნამდვილად შედგა. ანუ, ჩვენს საუბარს აყურადებდნენ,”- წერს გიორგი მშვენიერაძე.
მოგვიანებით მშვენიერაძეს თავად ონიანმა შემდგენაირად უპასუხა-“მე ის მაინტერესებს უფრო მნიშვნელოვანი საქმე რატომ არ ჰქონდა მას ვინც ჩვენ გვისმენდა.”
ცნობისთვის, “მთავარ აქცენტებში” ნიკა გვარამიამ სუს-ის საიდუმლო მოსმენების ჩანაწერები გაასაჯაროვა, რომლებიც მთავრობის წევრების, ბიზნესმენების, მსახიობებისა და საელჩოს თანამშრომლების პირად ცხოვრებას ეხებოდა. მათ შორის ერთ-ერთი შეეხებოდა მაღალი თანამდებობის მქონე პირისა და ჟურნალისტის სასიყვარულო ურთიერთობას, რის შემდეგაც ჟურნალისტი ორსულად დარჩა, ბიძინა ივანიშვილმა კი მას მუცელი მოაშლევინა.
კომენტარები