“ქართული მარშის” ლიდერი, სანდრო ბრეგაძე სალომე ზურაბიშვილის მიერ გამართულ საახალწლო მიღებას ეხმაურება, აქვეყნებს სალომე ზურაბიშვილის ფოტოს (შავ ტანისამოსში, რომლითაც ის, რომის პაპს ეწვია) და წერს:
“დამნაშავეები ერთმანეთს ამნისტიას უცხადებენ და სურთ ამ სამარცხვინო აქტის ეროვნულ შერიგებად გასაღება!
ქალბატონ ე.წ. პრეზიდენტს ეტყობა ჩვენ-უბრალო ხალხი მასობრივი გონებაშეზღუდულობით და ამნეზიით შეპყრობილები ვგონივართ…
90% იმ პარტიებისა, რომლებიც დღეს სალომე ზურაბიშვილმა შეკრიბა თავის ანტიკვარული ავეჯით და გარდაცვლილი ხალხის ნივთებით სავსე “დრაკულას მამიდის” სასახლეში – ერთმანეთის მიერ, დიახ ერთმანეთის მიერ არაერთხელ მხილებულია სამშობლოს ღალატში – ეჭვმიტანილია კორუფციაში, ტერიტორიების გასხვისებაში, ქურდობაში, მასობრივ მკვლელობაში, პატიმრების წამებაში, არჩევნების გაყალბებაში და ყველაზე მძიმე დანაშაულობებში, რაც კი კაცობრიობის ისტორიიდან გაგვიგია…
მაგალითად – თავად სალომე ზურაბიშვილს ყავს მოღალატედ, სამაჩაბლოს გამყიდველად გამოცხადებული მიხეილ სააკაშვილი, ხოლო სააკაშვილს ასევე ღალატში, უცხო ქვეყნის აგენტობაში ზურაბიშვილი დადანაშაულებული. რას პატიობენ ერთმანეთს – საქართველოს ღალატს თუ უცხო ქვეყნის აგენტობას ?
შეიძლება ასეთი უმძიმესი დანაშაულის პატიება ?
თუ მიშაც და სალომეც საჯაროდ იმის აღიარებას აპირებენ, რომ 15 წელი ხალხს ატყუებდნენ და არც სალომეა აგენტი და არც მიშა მოღალატე?
აქედან გამომდინარე, დღეს მარიონეტმა ე.წ.პრეზიდენტმა საბოლოოდ დაამტკიცა,რომ საქართველოს ისტორიაში შევა როგორც სამარცხვინოზე-სამარცხვინო პერსონა!
ამ გონებადაკარგულ, უტიფარ არსებას თავისი და სააკაშვილის, მელიას და კობახიძის, ბოკერიას და მდინარაძის, ბერძენიშვილის და გირჩის ჩახუტება ეროვნულ შერიგებად სურს შემოგვასაღოს!
ქალბატონ სალომეს ვანო ჩხარტიშვილის და მამუკა ხაზარაძის შერიგებაც ეროვნული თანხმობის მიღწევა გონია!
სიმართლე ერთია – ჯერ 1991-92 წლებში ჩადენილი დანაშაულისთვის, ზვიად გამსახურდიას მკვლელობის იდეური შემზადებისთვის მოიხადოს ბოდიში, ქართველ ერს პატიება თხოვოს და შემდეგ ქართველი ერი გადაწყვეტს შეურიგდეს თუ არა თავად დანაშაულში ეჭვმიტანილ – პუტჩისტ სალომე ზურაბიშვილს…
შემდეგ სააკაშვილის საჯარო-სახალხო სასამართლო პროცესი გამართონ და დაუმტკიცონ ის დანაშაულები რომლებიც ჩადენილი აქვს. მიუსაჯონ სასჯელი და შემდეგ ქართველმა ერმა გადაწყვიტოს შეურიგდება თუ არა ოდესმე ხალხის გაუპატიურებასა და მკვლელობაში მხილებულ სააკაშვილის რეჟიმს…
გასამართლდეს, პასუხი აგოს, სახელი დაერქვას ყველა დამნაშავეს, რომლებმაც 1992 წლიდან 2021 წლამდე ძარცვა საქართველო, გაასხვისა ტერტორიები, დაანგრია სახელმწიფოებრიობა, მოიპარა ხალხის ანაბრები, აწამა, ტანჯა, აშიმშილა საქართველოს მოქალაქეები – შემდეგ ქართველმა ერმა გადაწყვიტოს შეუნდობს და შეურიგდება თუ არა მათ.
სხვაგვარად ვერ და არ გამოვა. არ იქნება სამართალი, არ იქნება შერიგება და მშვიდობა. ყველაფერი ხელოვნური, მცირეხნიანი, მხოლოდ პიარული აქტი იქნება, რომელსაც შერიგებასთან საერთო არაფერი არ აქვს!
განვმეორდები და ვიტყვი – თავად დამნაშავე, უმძიმეს დანაშაულში მხილებული – მძარცველი ძალების შერიგება თუ გარიგება ერთმანეთისთვის ამინისტიის გამოცხადება და საკუთარი დანაშაულებების “გაპრავება” უფროა, ვიდრე რეალურად შერიგების აქტი!
ერთი დაიმახსოვრეთ – ქართველი ერი არასოდეს შეურიგდება დამნაშავეებს და სამშობლოს-ტერიტორიების გამყიდველებს, ხოლო დამნაშავეების მიერ ერთმანეთისთვის გამოცხადებული ამინისტიის აქტი ვერასოდეს გახდება შერიგების საფუძველი…
ქართველ ერს შეურიგდით თუ შეგირიგათ და არა ერთმანეთს”
კომენტარები