“ქართულ ოცნებაზე” გული ერევა უკვე მთელ ევროპას, იმდენად თაღლითი მატყუარების სახე აქვთ,- ამის შესახებ “სტრატეგია აღმაშენებლის” ლიდერმა გიორგი ვაშაძემ ჟურნალისტებს განუცხადა.
მისი თქმით, “ოცნებას” ოპოზიციის ერთობა ძალიან აღელვებს.
“ვიცი, რომ “ოცნებას” ძალიან აღელვებს ჩვენი ერთიანობა იმიტომ, რომ ჩვენ ვლაპარაკობთ სიმართლეს. რაც პარლამენტში ხდება, რაც გუშინ ან გუშინწინ დაარეგისტრირეს, ყველაფერი ეწინააღმდეგება ევროკავშირის კანდიდატის სტატუსს. ამაზე პასუხს ნახავთ სამშაბათს, ევროპარლამენტის შუალედურ დასკვნაში საქართველოში მიმდინარე საკითხებთან დაკავშირებით. “ქართულ ოცნებაზე” გული ერევა უკვე მთელ ევროპას, იმდენად თაღლითი მატყუარების სახე აქვთ. ამას დაამარცხებს მხოლოდ და მხოლოდ პროევროპულ ფლანგზე ერთიანობა. ყველა, ვინც პროევროპულია, გულწრლფელად გეუბნებით, გაემიჯნეთ პრორუსულ “ქართულ ოცნებას”,- განაცხადა გიორგი ვაშაძემ.
მან ასევე უპასუხა კითხვას, რატომ არ იღებენ მონაწილეობას “ქართული ოცნების” მიერ ევრორეკომენდაციებთან დაკავშირებული კანონპროექტების შემუშავებაში. მისი თქმით, აღნიშნულ კანონპროექტებს ევროპაში “სისულელეს და აბსურდს” უწოდებენ.
“რაში [არ ვიღებთ მონაწილეობას]? კანონების განხილვაში, რომელზეც ევროპა ამბობს, რომ სისულელე და აბსურდია? დეოლიგარქიზაციის კანონზე პირდაპირ უთხრეს – ვის ატყუებთ? უკრაინულ მოდელს არავინ სთხოვს “ქართულ ოცნებას”. “ქართულ ოცნებას” რეალურ დეოლიგარქიზაციას სთხოვენ. ისიც შეიძლება მითხრათ, რომ ივანიშვილი არ არის ოლიგარქი. არა, ბაბუაჩემი იყო ოლიგარქი. სანამ სიმართლეს თვალს არ გაუსწორებთ და კობახიძის ნათქვამ სისულელეს კითხვაში გაიმეორებთ, საშველი არ იქნება”,- განაცხადა გიორგი ვაშაძემ ჟურნალისტებთან საუბრისას.
კომენტარები