პროკურატურა ლევან ხაბეიშვილის მობილურს ამ ეტაპზე ვერ ხსნის – ამის შესახებ საქმის პროკურორმა, ბექა ხუნაშვილმა ჟურნალისტებთან განაცხადა.
მისი თქმით, მობილური აპარატი ჯერ არ დათვალიერებულა და შესაძლოა, ტელეფონის დაცვის ფუნქციის გამო, ვერც გაიხსნას:
,,ჯერ ერთი მობილური ტელეფონის დათვალიერება ასე სწრაფად ვერ მოხდება, იმიტომ, რომ დასანიშნია ექსპერტიზა. თუ გაინტერესებთ პროცედურულად შეიძლება ეგ მობილური ტელეფონი საერთოდ ვერ გაიხსნას, მოგეხსენებათ “აიფონებს” აქვთ ეგ ფუნქცია.
ყოველ შემთხვევაში, როგორც შესაძლო ნივთმტკიცება, ეს ტელეფონი მნიშვნელოვანი იყო. შესაძლოა გაიხსნას, შესაძლოა ვერც გაიხსნას, მე ვერც გიდასტურებთ, ვერც გამოვრიცხავ. არსებობს ხანდახან შემთხვევა, როდესაც ტელეფონის გახსნა ვერ ხდება”,- განაცხადა ბექა ხუნაშვილმა.
კომენტარები