არქიმანდრიტი ბართლომე ფირცხალაშვილი “ფორმულასთან” ამბობს:
“ყოველთვის ვიცოდი, რომ მისმენდნენ და მე რასაც ვამბობ ტელეფონში, იმას ვამბობ ხმამაღლა. […] არ მინდა ახლა ვთქვა, თორემ ვიცი, ვინ მისმენდა ნაციონალების დროს და ის დღესაც არის ამ სამსახურში და მგონი, მას არ შეუწყვეტია ამის გაკეთება. […] ეს ჩემთვის ცნობილია და არასოდეს მიფიქრია, რომ არ მისმენდნენ. […] ეს არ არის ჩემი მოვალეობა, რომ ვიღაცას ცხოვრება დავუნგრიო.
სუს-ის მოვალეობაა უსმინოს და დაიცვას ქვეყნის უსაფრთხოება და არა უსმინოს კონკრეტულ ადამიანებს, თუმცაღა, ალბათ, შეიძლება გვისმენენ და მე ახლოს ვარ იმ აზრთან, რომ ეს ყველაფერი წინასაარჩევნო კამპანიას უკავშირდება. თუ ვინმეს დააინტერესებს, როგორც ერთი კონკრეტული ადამიანი, ვის ვაძლევ ხმას, გეტყვით, რომ ისევ ქართულ ოცნებას, იმიტომ, რომ ეს გადმონაშთი მომსმენი ხალხისა საბოლოოდ აღმოიფხვრას ამ სისტემიდან”
არქიმანდრიტი ივანიშვილთან დიალოგს ადასტურებს, თუმცა, ერთადერთი რასაც ამ თემასთან დაკავშირებით ამბობს, არის ის, რომ საუბარი ეხებოდა არა პატრიარქის გადაყენებას, არამედ მისი ცუდად ყოფნის გამო, განიხილავდნენ, მის შემდგომ კათალიკოს-პატრიარქსაც როგორ უნდა გაეერთიანებინა “სამშობლოს იდეა”, როგორც ამას ილია მეორე აკეთებდა. ფირცხალაშვილის თქმით, უშუალოდ შემცვლელზე საუბარი არ ყოფილა.
იმასთან დაკავშირებით, რომ გავრცელებული ჩანაწერების მიხედვით, მეუფე იაკობს ივანიშვილმა ფოსტალიონი უწოდა, არქიმანდრიტი ამბობს, რომ სიტყვა ალბათ დამახინჯებულია, თუმცა, განმარტავს იმასაც, რომ მეუფე იაკობი თავიდან სახელმწიფოსა და ეკლესიას შორის შუამავალი იყო.
კომენტარები