“შეიძლება არ სურდათ რომ თავი მოეჭრათ” – “ოცნებას” დასავლეთ ევროპისა და აშშ-თვის არ მოუთხოვია სააკაშვილის ექსტრადირება” – ადვოკატი

მიხეილ სააკაშვილის ადვოკატი, ოთარ კახიძე ამბობს, რომ არცერთი მყარი სამართლებრივი მტკიცებულება საგამოძიებო უწყებას ყოფილი პრეზიდენტის მიმართ არ აქვს და საქმეები პოლიტიკური ნიშნით არის დაწყებული. კახიძე ხაზს უსვამს, რომ “ქართულმა ოცნებამ” სააკაშვილის ექსტრადირების თხოვნით არც აშშ-ს და არც ევროპას არ მიმართა, გამონაკლისი იყო მხოლოდ უკრაინა, რომლისგანაც უარი მიიღო. 

ოთარ კახიძე:

იყო უკრაინაში ექსტრადირების მოთხოვნები, რომელიც იგზავნებოდა, ორი მოთხოვნა იქნა გაგზავნილი ორივეზე ითქვა უარი პოლიტიკური მოტივაციის გამო, ეს საქმეები მტკიცებულებებს არ ეფუძნება არის შეთითხნილი. “ქართულ ოცნებას” დასავლეთ ევროპის და აშშ-ს მართმსაჯულებისთვის  არ მოუთხოვია სააკაშვილის ექსტრადირება.

შეიძლება ამას ქონოდა ორი მოტივაცია, შეიძლება არ სურდათ რომ თავი მოეჭრათ კიდევ ერთხელ მორიგი დამოუკიდებელი სასამართლოს წინაშე, როგორც ეს მოხდა საფრანგეთში და ლონდონში და მეორე ვარიანტია, რომ არ სურთ, რომ აქ ჰყავდეთ პატიმარი სააკაშვილი, რომელია აქედან ძალიან რთულია“

შეგახსენებთ, მიხეილ სააკაშვილმა საქართველოში დაბრუნება 2 ოქტომბერს დაანონსა და სოციალურ ქსელში ბილეთის ამსახველი ფოტოც გამოქვეყნა. სააკაშვილის თქმით, ის  საქართველოში 2 ოქტომბერს 23:05 საათზე, გიული ალასანიასთან ერთად ჩამოვა.