“შეგიძლიათ თავიდან დამაბრალოთ შეთქმულება, პირდაპირ გეუბნებით, აი, ეს ხალხი ამიტომ შეიკრიბა…” – უგულავა ლილუაშვილს

პოლიტიკოსი, გიგი უგულავა, რომელიც ამჟამად რუსთავის ციხესთანაა, “ტვ პირველთან” საუბრისას სუს-ის უფროსს, გრიგოლ ლილუაშვილს მიმართავს:

“ლილუაშვილს მივმართავ, გინდა გადატრიალებაზე ილაპარაკეთ, გინდა გადმოტრიალებაზე. თუ საზოგადოებისთვის ცხადი გახდა, რომ გავდივართ ზღვარზე, საიდანაც შემობრუნება შეუძლებელია და თქვენ ამას გამიზნულად აკეთებთ, პირდაპირ გეუბნებით, აი, ეს ხალხი შეიკრიბა იმიტომ, რომ დაიცვას კონსტიტუციური მოვალეობა, თქვენი ბოდვა კი არა, კონსტიტუცია აღიარებს ერთადერთ მთავარ ღირებულებას, ადამიანის სიცოცხლეს და ჩვენი მოქალაქეების კონსტიტუციური უფლებაა, სიცოცხლისთვის ვიბრძოლოთ და თუ დავინახეთ რომ სახელმწიფო კლავს ამ ადამიანს, ჩვენი საზოგადოების კონსტიტუციური, ადამიანური და ქრისტიანული მოვალეობაა ადამიანის სიკვდილი არ დავუშვათ.

ახლა ეს როგორც გინდა გადათარგმნეთ, როგორც გინდა გადმოთარგმნეთ და თქვენი ბლუყუნა მეტყველებით შეგიძლიათ თავიდან დამაბრალოთ შეთქმულება. პირდაპირ გეუბნებით, ადამიანის მკვლელობა თუ გადაწყვიტეთ, ეს ხალხი ადამიანის მოკვლის უფლებას არ მოგცემთ, მაგრამ თქვენ მაინც მკვლელები დარჩებით – თქვენი ხელიდან ეს პატიმარი არის მკვდარი!

არ მოგცემთ მისი მოკვლის უფლებას, მაშინ, უნდა გადაგვიაროთ ჩვენ და მერე უკვე მორევაზე იქნება და აღარაფერი გიშველით, მაინც ლურსმანს ჩაგარჭობთ ხალხი…”