ევროპული საბჭოს პრეზიდენტი, შარლ მიშელი ირანის პრეზიდენტს, მასუდ პეზეშკიანს გაეროს გენერალური ასამბლეის სესიის ფარგლებში შეხვდა.
„ქრონიკას“ ევროპულ საბჭოში განუცხადეს, რომ შევედრაზე შარლ მიშელმა ხაზგასმით აღნიშნა, რომ ევროკავშირსა და ირანს შორის ურთიერთობები ყველაზე დაბალ ნიშნულზეა.
მან სხვადასხვა საკითხთან დაკავშირებით ევროკავშირის შეშფოთება დააფიქსირა და ხაზი გაუსვა დიალოგის მნიშვნელობა ესკალაციის თავიდან ასაცილებლად.
შარლ მიშელმა ისეთი საკითხები განიხილა, როგორიცაა ირანში ადამიანის უფლებებისა და მრავალფეროვნების პატივისცემა, ირანის როლი რეგიონში და დესტაბილიზაციის მხარდაჭერა შეიარაღებული და ტერორისტული ჯგუფებისთვის, რუსეთისთვის იარაღისა და რაკეტების მიწოდება, ირანის ბირთვული პროგრამა და ირანში პატიმრობაში მყოფი ევროკავშირის მოქალაქეები.
მიშელმა ასევე გამოთქვა მზადყოფნა, განაახლოს ბირთვული დიპლომატია.
კომენტარები