“საველე ჰოსპიტალები არ განიხილება! ეს არაერთხელ განვაცხადეთ!”

ჯანდაცვის მინისტრის, ეკატერინე ტიკარაძის განცხადებით, საველე ჰოსპტილების მობილიზება არ განიხილება:

„არაერთხელ განვაცხადეთ, რომ ჩვენ არ განვიხილავთ საველე ჰოსპიტლებს, ვინაიდან  გვაქვს მრავალი ქვეყნის მაგალითი, სადაც საველე ჰოსპიტლების მობილიზაცია მოხდა და შემდეგ იქ არ მოხდა არც ერთი პაციენტის მკურნალობა. არის მხოლოდ რამდენიმე ქვეყანა, სადაც საველე ჰოსპიტალი  საუკეთესოდ გამოიყენეს, მაგრამ აქ გასათვალისწინებელია ქვეყნის რესურსი. ჩვენ გვაქვს ჰოსპიტლები, გვაქვს სასტუმროები და კიდევ ვამატებთ ჰოსპიტლებს, რათა არ გახდეს ეს ყველაფერი საჭირო. ამიტომ საველე ჰოსპიტლები არ განიხილება“, – განაცხადა ეკატერინე ტიკარაძემ.