თბილისი-ლესელიძე-სენაკის ცენტრალურ მაგისტრალზე, გორთან მომხდარი ავტოსაგზაო შემთხვევის შედეგად ექვსი ადამიანი დაიღუპა, ხოლო დაშავდა 10.
თვითმხილველების ინფორმაციით, ტრაილერის მძღოლი გაჩერებულ მიკროავტობუსს დაეჯახა. მათივე თქმით, სავარაუდოდ ტრაილერის მძღოლს ჩაეძინა.
„ალბათ ჩაძინებული იყო თურქი მძღოლი, სხვანაირად არ არსებობს აქ ავარია მოგივიდეს. ეტყობა, რომ მიკროავტობუსი გაჩერებული იყო. მძღოლი რომ მოვიდა აზრზე, უკვე გვიანი იყო“, – ამბობს ერთ-ერთი თვითმხილველი.
ცნობისთვის, გუშინ, 29 ოქტომბერს, გვიან ღამით ერთმანეთს ავტობანზე სამარშრუტო მიკროავტობუსი და ტრაილერი შეეჯახა. დაშავებულები სასწრაფო სამედიცინო ჯგუფმა „გორმედში“ გადაიყვანა.
შსს-მ გამოძიება 276-ე მუხლის, მე-8 ნაწილით დაიწყო.
კომენტარები