თუ შინაური ცხოველი გყავთ, სახლის დასუფთავების სირთულეები თქვენთვის ნაცნობი იქნება. შინაური ცხოველის ყოლას ბევრი უპირატესობა აქვს, თუმცა სახლის დალაგების სირთულეები ახლავს თან. გარდა იმისა, რომ ცხოველებს თმა სცვივათ, ალერგენების გამავრცელებლებიც არიან და იმისათვის, რომ ჯანმრთელობის მდგომარეობაზე უარყოფითად არ იმოქმედოს, აუცილებელია სისუფთავის შენარჩუნება.
თუ ძაღლი, კატა ან სხვა შინაური ცხოველი გყავთ და მსგავსი პრობლემის წინაშე დგახართ, ეს ბლოგი თქვენთვის არის, რადგან საუკეთესო მტვერსასრუტს შეგარჩევინებთ, რომელიც სახლის დალაგების რუტინას საგრძნობლად გაგიმარტივებთ.
კლასიკური მტვერსასრუტი
კლასიკური ბალონის ტიპის მტვერსასრუტები იატაკის, ხალიჩებისა და ავეჯის დასასუფთავებლად გამოიყენება. მშრალი წმენდის ფუნქცია აქვს და როგორც შინაური ცხოველის პატრონს, ასევე ნებისმიერ ადამიანს გამოადგება, რომელსაც სახლის დასუფთავება საგულდაგულოდ უნდა. ასეთი ტიპის მტვერსასრუტებს, როგორც წესი, სხვადასხვა ზედაპირის გასაწმენდად რამდენიმე პირი მოყვება, რაც კიდევ უფრო ამარტივებს ავეჯში ჩამჯდარი ჭუჭყისა და თმის მოცილებას.
ვერტიკალური მტვერსასრუტი
ვერტიკალური მტვერსასრუტი შინაური ცხოველების პატრონებისთვის ერთ-ერთი ყველაზე კარგი არჩევანია, რადგან მარტივი მექანიზმი და მძლავრი შეწოვის ფუნქცია აქვს. შემცვლელი ნაწილებიც მოყჰვება, რომელიც ხალიჩებიდან ცხოველების თმის ასაღებად არის შექმნილი. ბევრ მოდელს ე.წ. HERA ფილტრები აქვს, რაც ალერგენების საწინააღმდეგოდ ეფექტურად მუშაობს, ხელს უშლის მათ ჰაერში გავრცელებას და აუმჯობესებს სახლში ჟანგბადის ხარისხს
პორტატული მტვერსასრუტი
პორტატული მტვერსასრუტი იდეალურია შიდა სივრცეებისთვის, რადგან დენის წყაროს გარეშე მუშაობს. მნიშვნელოვანია, რომ შეიძინოთ მტვერსასრუტი მძლავრი ბატარიით, რადგან ცხოველების თმის დასუფთავება დიდ დროსა და ენერგიას მოითხოვს.
რობოტი მტვერსასრუტი
რობოტი მტვერსასრუტი ელექტრონული, გონიერი საწმენდი მოწყობილობაა, რომელიც იატაკის დამოუკიდებლად გასაწმენდად არის შექმნილი. სენსორების, ხელოვნური ინტელექტისა და დასუფთავების მექანიზმების წყალობით, ამ კომპაქტურ მოწყობილობას დამოუკიდებლად ნავიგაცია შეუძლია, არ სჭირდება ზედმეტი ჩარევა და ყურადღება და ალერგენებსაც ეფექტურად ებრძვის.
რობოტი მტვერსასრუტის მეშვეობით, თქვენი სახლიდან ცხოველების თმა ზედმეტი ძალისხმევის გარეშე გაქრება. შეგიძლიათ რობოტი მტვერსასრუტი სახლში გაუშვათ და სხვა უფრო მნიშვნელოვანი საქმით დაკავდეთ ან უბრალოდ დაისვენოთ.
ხელის მტვერსასრუტი
შინაური ცხოველების პატრონებისთვის კიდევ ერთი კომფორტულად გამოსაყენებელი მოწყობილობაა ხელის მტვერასრუტი, რომელიც უსადენოდ, ორთქლზე მუშაობს და სწრაფად და მარტივად ამოჰყავს ლაქები ხალიჩებიდან და ავეჯიდან. აღსანიშნავია ისიც, რომ მსუბუქია და მისი გადაადგილება მარტივია.
შინაური ცხოველის ყოლა, როგორც დიდ სიყვარულსა და მხიარულებასთან, ასევე არაერთ პასუხისმგებლობასთან ასოცირდება. ზემოთ ჩამოთვლილი თითოეული მტვერსასრუტის ტიპი ეფექტურად ებრძვის მტვერს, ლაქებსა და ცხოველების თმებს, არჩევანი მხოლოდ თქვენი პირადი საჭიროებებისა და სურვილების მიხედვით უნდა გააკეთოთ. გაითვალისწინეთ თქვენი სახლის ზომა, იატაკის ტიპი და ცხოველების რაოდენობა და გადაწყვეტილება შემდეგ მიიღეთ.
კომენტარები