სასულიერო პირების ჩარევა პოლიტიკაში მიუღებელი უნდა იყოს, განურჩევლად მათი პოლიტიკური პოზიციისა, – ამის შესახებ პარტია “ევროპელი დემოკრატების” ერთ-ერთი ლიდერი მამუკა გამყრელიძე სოციალურ ქსელში წერს:
“სასულიერო პირების ჩარევა პოლიტიკაში მიუღებელი უნდა იყოს საზოგადოებისთვის, განურჩევლად მათი პოლიტიკური პოზიციისა. ერთნაირად გაუგებარია როგორც ამბიონიდან გაკეთებული პოლიტიკური განცხადებები, ისევე ნებისმიერ პოლიტიკურ აქტივობაში მათი უშუალო მონაწილეობა.
თუ ეს ადამიანები ასე ღიად ერთვებიან პოლიტიკურ პროცესში ნიშნავს თუ არა ეს იმას, რომ ჩვენც გვაქვს უფლება მივიდეთ და საპატრიარქოსთან მოვაწყოთ საპროტესტო აქციები ან სინოდს ვურჩიოთ მიიღოს ესა თუ ის საეკლესიო გადაწყვეტილება?
საერო და საეკლესიო ცხოვრების აღრევა გამოიწვევს სრულ ქაოსს და კიდევ უფრო გაამძაფრებს პოლარიზაციას!” – წერს მამუკა გამყრელიძე.
კომენტარები