“სასწრაფოდ გამოეცით პუტინის დაკავების ორდერი, ის ომის დამნაშავეა” – ჰააგის სასამართლოს ყოფილი პროკურორი კოლეგებს

ჰააგის სისხლის სამართლის საერთაშორისო სასამართლოს ყოფილი პროკურორი, კარლა დელ პონტე, შვეიცარიულ გაზეთთან ინტერვიუში ყოფილ კოლეგებს მიმართავს და ოუწოდებს,  “დაუყოვნებლივ გამოსცენ პუტინის დაკავების ორდერი”. იგი 75 წლისაა და მის სახელთანაა ასოცირებული, რუანდასა და იუგოსლავიაში, სამოქალაქო ომების დროს ჩადენილი დანაშაულებების გამოძიებები.

“მისი დაკავების ორდერის გამოცემა ერთადერთი არსებული ინსტრუმენტი ომის დამნაშავეების დასაკავებლად და სისხლის სამართლის საერთაშორისო სასამართლოში გადასაყვანად. პუტინი ომის დამნაშავეა. დაკავების ორდერი არ ნიშნავს იმას, რომ პუტინი მალე გისოსებს მიღმა აღმოჩნდება, მაგრამ ეს ორდერი მას ართმევს ქვეყნის დატოვების შესაძლებლობას და ის იქნება უკრაინის მხარდასაჭერად ძლიერი სიგნალი –  ჩემი გამოცდილება მეუბნება, რომ შეგვიძლია იმედი ვიქონიოთ, რომ ერთ დღეს პუტინს, ისევე როგორც იუგოსლავიის პრეზიდენტს სლობოდან მილოშევიჩს, დააპატიმრებენ და ბრალს წაუყენებენ”, – ამბობს ის.