კრიმპოლში ბაჩო ახალაიას გამოკითხვა დასრულდა. ექსმინისტრმა შენობა რამდენიმე წუთის წინ დატოვა. მისი თქმით, გამომძიებლებს კითხვები ძირითადად 4 ოქტომბერს გავრცელებულ აუდიოჩანაწერთან დაკავშირებით ჰქონდათ და აუღეს ხმის ნიმუშიც.
ძირითადად ეხებოდა იმ აუდიოჩანაწერს, იყოს ამის გარშემო: ვის იცნობ, რას იცნობ, როდის გაიცანი. დიდხანს სვამდნენ კითხვებს, იმეორებდნენ, ამოწმებდნენ, ერთი ადგილიდან მეორეში გადაჰქონდათ, ათანხმებდნენ. მე ველოდებოდი. არ სჭირდებოდა ამდენი დრო, მაგრამ ტექნიკურად გამოიყენეს იმაში, რომ იწერებოდა ერთი, კითხულობდნენ, აზუსტებდნენ…მე არაფერი დასამალი არ მაქვს, ყველაფერი ვუთხარი.ძირითადი არსი იყო ამ ფალსიფიცირებული ჩანაწერის… ჩემი ხმაც აგერ ისმის, იქაც იყო ეს ხმა და აშკარად, ეგ სხვადასხვა ხმებია, საერთოდ სხვადასხვა სამყაროს ხმებია, – თქვა ახალაიამ.
ახალაიამ უარყო ფაქტი, რომ გამოკითხვისას შეუძლოდ გახდა.
არ ვიცი რას ნიშნავდა. მახო რომ ამოვიდა, მაგან მითხრა და არ ვიცი, წარმოდგენა არ მაქვს ეგ ყველაფერი რას ნიშნავდა. სასწრაფო არასერიოზული სიგიჟე იყო, ვერ მივხვდი რას ნიშნავდა.
რაც შეეხება გამოკითხვაზე მისი მეუღლის დაბარებას, ახალაია ამბობს, რომ არაფერი იცის.
ანის ამბავი არ ვიცი. აი, ახლა წავალ და გავერკვევი, რაშია საქმე, – თქვა ახალაიამ
წყარო – ტვ პირველი
კომენტარები