“სასტიკად მოკლა და მერე დაანაწევრა…” – საჩხერეში მომხდარი ტრაგედიის დეტალები

საჩხერეში მომხდარი შემზარავი დანაშაულის შესახებ ახალი დეტალები ხდება ცნობილი.

გარდაცვლილის მეზობლები „მთავართან“ ამბობენ, რომ მამაკაცს, რომელმაც საკუთარი მამა მოკლა ფსიქიკური პრობლემები ჰქონდა.

„ის ბიჭი შეურაცხადი იყო. 3-ჯერ ჰყავდათ ფსიქიატრიულში, უმკურნალეს, მაგრამ… კაცი სასტიკად მოკლა და მერე დაანაწევრა…საღამოს საქონელი დავაბინავე და გარეთ გამოვედი. ოლეგის შევეკითხე, მამაშენი სად არის-მეთქი. მამაჩემი აწი აღარ შეგაწუხებს, მოვკალიო.

გამასწარი, თორემ შენც მოგკლავო, ასე მითხრა.“- ამბობენ მეზობლები.

შეგახსენებთ აღდგომას, ახალგაზრდა კაცმა მოხუცი მამა მოკლა და შემდეგ ცხედარი დაანაწევრა. ბრალდებული უკვე დაკავებულია.

გამოძიება ოჯახის წევრის მიმართ დამამძიმებელ გარემოებაში ჩადენილ განზრახ მკვლელობის ფაქტზე, საქართველოს სისხლის სამართლის კოდექსის 11 პრიმა-109-ე მუხლის მე-2 ნაწილის ,,ვ“ ქვეპუნქტით მიმდინარეობს. დანაშაული 13-დან 17 წლამდე ვადით თავისუფლების აღკვეთას ითვალისწინებს.