7 იანვარს უკრაინის მართლმადიდებელი ეკლესიის წინამძღვარი, მიტროპოლიტი ეპიფანე, კიევ-პეჩერის ლავრის მიძინების საკათედრო ტაძარში შობის დღესასწაულზე ღვთისმსახურებას აღავლენს.
აქამდე, კიევ-პეჩერის ლავრაში წირვას მხოლოდ მოსკოვის საპატრიარქოს დაქვემდებარებული სასულიერო პირები ატარებდნენ.
2 დეკემბერს კი ცნობილი გახდა, რომ ლავრის მიძინების ტაძარი უკრაინის მართლმადიდებლური ეკლესიის შემადგენლობაში მონასტრად დარეგისტრირდა.
ცნობისთვის, უკრაინამ კიევ-პეჩერის ლავრის, რუსეთის საპატრიარქოს დაქვემდებარებაში ყოფნის კანონიერების შესწავლა დაიწყო. ნოემბერში უშიშროების სამსახურმა ლავრა გაჩხრიკა და აღმოაჩინა პრორუსული პროპაგანდისტული ლიტერატურა, ასევე რუსული რუბლები.
უკრაინის ეროვნული უსაფრთხოებისა და თავდაცვის საბჭოს ინიციატივით, მინისტრთა კაბინეტს დაევალა მოამზადოს და წარუდგინოს რადას, უკრაინაში რუსეთის საპატრიარქოს დაქვემდებარებული ეკლესიისა და სასულიერო პირების საქმიანობის აკრძალვის კანონპროექტი.
კომენტარები