აშშ-ის ალერგიისა და ინფექციური დაავადებების ცენტრის დირექტორი, ენტონი ფაუჩი აცხადებს, რომ საშობაო მოგზაურობები კორონავირუსის ახალი, “ომიკრონ“ ვარიანტის, გავრცელებას გაზრდის.
„ეჭვი არ არის, რომ „ომიკრონს“ გავრცელების გამორჩეული შესაძლებლობა აქვს. ის მთელს მსოფლიოში ძლიერდება,“- აღნიშნა ფაუჩიმ.
მისი თქმით, მნიშვნელოვანია პირბადეების ტარება და სოციალური დისტანციის დაცვა. ამასთან, ფაუჩიმ მოსახლეობას ვაქცინაციისა და ბუსტერ დოზის მიღებისკენ მოუწოდა.
„განსხვავება ვაქცინირებულ და „ბუსტერ“ დოზით აცრილ დაინფიცირებულ პირებსა და იმ ინფიცირებულებს შორის, რომლებიც არასდროს აცრილან, დიდია და ეს არის მძიმე დაავადების განვითარების რისკი”, – განაცხადა ფაუჩიმ და დასძინა, რომ არავაქცინირებული პირები მძიმე დაავადებისა და ჰოსპიტალიზაციის ბევრად მაღალი რისკის ქვეშ იმყოფებიან.
კომენტარები