თბილისის საქალაქო სასამართლოში უსაფრთხოების განსაკუთრებული ზომებია ამოქმედებული – ყველა შესასვლელ-გამოსასვლეს ამ წუთებში პოლიცია აკონტროლებს.
კრიმინალური პოლიციის წარმომადგენლებიი დგანან ავტო-სადგომებთანაც. მიზეზი სავარაუდოდ, ლევან ჯანგველაძის მკვლელობის საქმეზე ჩანიშნული პროცესია, რომელიც ცოტა ხანში უნდა დაიწყოს.
პოლიციის მობილიზება სავარაუდოდ მას შემდეგ გახდა საჭირო, რაც ბოლო დღეებში მიქაძეეების და ჯანგველაძეეების მხარდამჭერები ერთმანეთს ფიზიკურად და სიტყვიერად უპირისპირდებიან.
შეგახსენებთ, რომ ორი 18 თებერვლას სასამართლოს მიმდებარედ შეკრებილი ჯანგველაძის მხარდამჭერები, ძმები მიქაძეების საგულშემატკივროდ მისულებს დაუპირისპირდნენ. ვითარება იმდენად დაიძაბა, რომ დაპირისპირებული მხარეების გაშველება პოლიციამაც ვერ შეძლო, რის შემდეგაც დაიწყო დაკავებების სერია.
შეტაკებების გამო საქალაქო სასამართლოსთან ანდრონიკაშვილის ქუჩა პარალიზებული იყო. დაპირისპირების მონაწილეთა ნაწილი ტერიტორიის დატოვებას მანქანით ცდილობდა, რა დროსაც მათ გზა გადაუკეტეს და მანქანის საქარე მინები ჩაულეწეს. ლევან ჯანგველაძის მკვლელობის საქმის პროცესის პარალელურად გინება და ჩხუბი აქამდეც იყო, თუმცა მანქანების ჩალეწვამდე და ხელჩართულ ჩხუბამდე საქმე არ მისულა, როგორც ეს 18 თებერვალს მოხდა.
კომენტარები