მოსამართლეების კლანი, რომელიც ადრე უკანონობას სჩადიოდა, დღეს კიდევ უფრო მყარად და დაცულად გრძნობს თავს– ამის შესახებ ოპოზიციონერმა დეპუტატმა, დავით ბაქრაძემ განაცხადა.
„პრობლემა იმაშია, რომ იგივე მოსამართლეები, ვისზეც მეკითხებით, რომ ცუდად იქცეოდნენ თურმე ჩვენი ხელისუფლების პირობებში, დღეს კიდევ უფრო ცუდად იქცევიან. სისტემა, რომელიც იყო სასამართლოში, დღეს კიდევ უფრო ჩაბეტონდა როგორც კლანი და ამ კლანზე დღეს საუბრობს მთელი მსოფლიო. ამ კლანზე განცხადებებს ავრცელებს ევროკავშირი და შეერთებული შტატები.
ამიტომ ის, რომ სასამართლო ხელისუფლება და სასამართლოს დამოუკიდებლობა იყო დიდი ჩავარდნა და პრობლემა ჩვენი ხელისუფლების დროს, დიახ, ეს ბევრჯერ მითქვამს და ვამბობ. თუმცა ეს პრობლემა დღეს კი არ მოგვარდა, პირიქით, გაუარესდა. იმ მოსამართლეების კლანი, რომელიც მაშინ უკანონობას სჩადიოდა, დღეს კიდევ უფრო მყარად და დაცულად გრძნობს თავს, დღეს კიდევ უფრო უარეს უკანონობებს სჩადის“,- განაცხადა დავით ბაქრაძემ.
კომენტარები