„ლეიბორისტული პარტიის“ ლიდერი, შალვა ნათელაშვილი სოციალურ ქსელში წერს, რომ მას ივანიშვილის მხილების გამო, 50 ათასი ევროთი დაჯარიმებას უპირებენ:
„როგორც კი წუხელ ვამხილეთ ივანიშვილი დავით გარეჯის გაყიდვასა და აზერბაიჯანის პრეზიდენტ, ილჰამ ალიევთან „მუხრანის შატოში“ საიდუმლო სერობის გამართვაში, სადაც ამ საკითხთან ერთად გადაწყდა ენერგომატარებლებიდან კლანებს შორის მილიარდების ახლებური გადანაწილება, დღეს დილითვე მივიღე გამოძახება მურუსიძის სასამართლოდან 3 ნოემბრის პროცესზე, სადაც უნდა დამაჯარიმონ 50 000 ევროთი, რადგან პარტიის საარჩევნო კლიპში ვთქვი მურმან ლებანიძის ცნობილი ლექსი: „ეს სოფლები, ეს ლიქოკი, ეს არხოტი ცარიელა, ეს პარტახი საიგავო, მეშინია, ეს სამოთხე, ეს წალკოტი სხვა არავინ მოვიდეს და დაიკავოს“ და ა.შ. ახლა, ამის შემდეგ თუ ვინმე იტყვის, რომ სასამართლოს ერთპიროვნულად არ მართავს ივანიშვილი და მისი ჯალათი მურუსიძე არაა გადასული თავდასხმის რეჟიმზე, ასეთ მთქმელს ივანიშვილზე მეტი ხნით უნდა მიესაჯოს ციხე ამათგან თავისუფალ საქართველოში“, – წერს ნათელაშვილი.
ცნობისთვის, 24 ოქტომბერს, ილჰამ ალიევი საქართველოს ერთდღიანი სამუშაო ვიზიტით ესტუმრა. მას ქვეყნის პრემიერ-მინისტრმა, ირაკლი ღარიბაშვილმა უმასპინძლა.
კომენტარები