საქართველოს მეხუთე პრეზიდენტი ორბელიანების სასახლეს ტოვებს – განცხადება სალომე ზურაბიშვილმა გააკეთა.
სალომე ზურაბიშვილი ამბობს, რომ ქართველი ხალხის ერთგული რჩება.
მინდა, ყველას დიდი მადლობა გითხრათ აქ მოსვლისთვის დღეს იმიტომ, რომ დღეს ჩვენ აქ ვდგავართ, იქითკენ არის სიცარიელე, აქ არის საზოგადოება, იქითკენ არიან ჩაკეტილები, ჩვენ ვართ გარეთ იმიტომ, რომ ჩვენ არაფრის არ გვეშინია, არც გისოსების. მე მინდა თქვენ გითხრათ და თქვენ ჩაგაბაროთ ანგარიში – 6 წლის წინ მე დავდე ფიცი კონსტიტუციაზე, მაგრამ კიდევ უფრო ქვეყნის მიმართ ერთგულებაზე და თქვენს მიმართ ერთგულებაზე, ამიტომ ვარ დღეს აქ და ეს ერთგულება არაფრით შეიცვლება, მე ვიქნები სასახლეში თუ ვიქნები სასახლის გარეთ. მე აქედან თქვენთან გამოვალ და თქვენთან ერთად ვიქნები”, – განაცხადა სალომე ზურაბიშვილმა.
საქართველოს მეხუთე პრეზიდენტის თქმით, ორბელიანების სასახლიდან მიაქვს “ლეგიტიმურობა”.
მე ჩემთან ერთად მიმაქვს ლეგიტიმურობა, ჩემთან ერთად მიმაქვს დროშა, ჩემთან ერთად მიმაქვს ის, რაც არის თქვენი ნდობა. ეს სასახლე უნდა დავუბრუნოთ ორბელიანებს. მათი არის, მათ წაართვეს და მათი იქნება მუდმივად“,-განაცხადა ზურაბიშვილმა.
ცნობილია, რომ მეხუთე პრზიდენტი რამდენიმე მიმართულებით მუშაობას აპირებს, მათ შორის იმ პირობებზე, რომლითაც მისი თქმით, ახალი არჩევნების ჩატარება უნდა მოხდეს.
ზურაბიშვილი ამბობს, რომ ეს არჩევნები აუცილებლად ჩატარდება და საჭიროა არსებობდეს დოკუმენტი რა პირობებში ტარდება ის, რომ ვერ მოხერხდეს გაყალბება.
მეხუთე პრეზიდენტმა მედიის დაცვის აუცილებლობაზე ისაუბრა. დაანონსა საჯარო სამსახურებიდან გათავისუფლებულებთან შეხვედრა და მათი დაცვის გეგმის წარდგენა.
პრეზიდენტის განცხადებით, ახლო მომავალში ის დაიწყებს მასშტაბურ შეხვედრებს საზოგადოების სხვადასხვა სეგმენტის წარმომადგენლებთან:
კომენტარები