საქმის მასალებს იმიტომ არ მაძლევდნენ, რომ ყოფილი მაღალჩინოსნის შვილი ფიგურირებს იქ – მოკლული მასწავლებლის დედა

მოკლული გიგა ავალიანის დედა, ეკა კუპატაძე ამბობს, რომ პროკურატურის მიერ გიშინ გავრცელებულ კადრებში, სადაც ძალადობის ეპიზოდებია აღბეჭდილი, დ.ჩ.-ს ხმა ამოიცნო.

გუშინ პროკურატურამ გაავრცელა ინფორმაცია, რომ მოკლული მასწავლებლის საქმეზე დაკავებული მოზარდები სხვა ჯგუფურ ძალადობას აორგანიზებდნენ და შემდეგ მასში იღებდნენ მონაწილეობას. უწყებამ გაავრცელა კადრებიც.
ეკა კუპატაძის თქმით, რიკაძის მხრიდან ბრალის აღიარებას ელოდა. რაც შეეხება საქმის მასალებს, ავალიანის დედა ამბობს, რომ საქმის მასალებს იმიტომ არ აძლევდნენ, რომ მასში ყოფილი მაღალჩინოსნის შვილი ფიგურირებს.

ველოდებოდი გიორგი რიკაძის ბრალის აღიარებას. იმიტომ რომ ეს არის კახა წერეთლის სვლა. მან ჩვენ წინა ბრალიც გვიღიარა. იყენებს დუმილის უფლებას და მაინც სად გაექცეოდა მის სისხლიან ნასკებს და ბოტასებს და ერთუ დედას რომ მიუვიდა ეს სისხლიანი ნასკი და ბოტასი, შეიძლება რც ნახულობდა, არვიცი, იქ რა დასკვნა გამოიტანა – ნეტა რესკად დაეცა ის ვიღაცა ვისზეც ძალადობდნენო და ჩემს შვილს ფეხები გაუსისხლიოანდაო? … ეტაპამდე მაინც ვნახე და დიმიტრი ჩიქოვანი სხვა ადგილზეც ამოვიცანი. ბევრი ხმა დაფარულია იმ უზრდელი სიტყვების გამო, მაგრამ იქ არის კიდევ რაღაც ეპიზოდი, სადაც მე დემეტრე ჩიქოვანის ხმა ვიცანი. ბრალის დამძიმება უნდა ყოფილიყო. ეს ბრალი უნდა შეეფარდებინათ ნუკა გამყრელიძეს. მე ვიცი, იმიტომ არ მაძლევდნენ საქმის მასალებს, რომ ყოფილი მაღალჩინოსნის შვილი ფიგურირებს იქ და მე ეს არ უნდა დამენახა. ყველას პასუხისმგებლობის საკითხი დადგება. აუცილებალად დადგება ნუკა გამყრელიძის პასუხისმგებლობა, აუცილებლად დადგება იაგო ტალახაძის, ის პოლიციის უფროსია. და აუცილებლად გიშო ძებნიაურის”, – ამბობს ეკა კუპატაძე.

პროკურატურა მასწავლებლის საქმეზე ბრალდებულებს ჯგუფური ძალადობის სხვა 4 ეპიზოდში მონაწილეობასაც ედავება.

საგამოძიებო უწყებაში თქვეს, რომ მათ მოიპოვეს და გაავრცელეს ავალიანის საქმეზე ბრალდებულების – ალექსანდრე გაბაშვილის, გიორგი რიკაძისა და დემეტრე ჩიქოვანის მონაწილეობით ჯგუფური ძალადობის სხვა ეპიზოდების ამსახველი ვიდეო.

კადრში ახალგაზრდა რომელსაც თან სხვადასხვა ტიპის ცივი იარაღი აქვს.

გამოძიება ამტკიცებს, ერთ-ერთი ძალადობრივი ეპიზოდის ამსახველი ვიდეო გიორგი რიკაძისა და დემეტრე ჩიქოვანის მობილურ ტელეფონში ინახებოდა.