ყოფილი მაღალჩინოსანი, გივი თარგამაძე:
სამწუხაროდ, გუშინ გორში ჩადენილი სიმხეცე არაა ცალკეული შემთხვევა, ეს დღევანდელი პოლიციის ყოველდღიურობაა, მოქმედების რუტინული წესი. მას მხოლოდ ის გამოარჩევს, რომ მოქმედება დააფიქსირეს და დაფიქსირებულის გავრცელება მოასწრეს. გადამღები რომ დაეფიქსირებინად, ისიც დაზარალებულის ბედს გაიზიარებდა და მასთან ერთად ბრალდებულად იქცეოდა, სიმართლეს კი ვერავინ გაიგებდა, ისე, როგორც ათასობით შემთხვევაში ხდება.რა თქმა უნდა, სისტემა ცდილობს მუხლის შემსუბუქებას და ეცდება სასჯელის მინიმალიზაციას, შემდეგ კი ვადაზე ადრე გაუქმებას. მოძალადე სამართალდამცავთა დასჯა ხომ წესის პირდაპირ საწინააღმდეგოა. წესის, რომლის მიხედვითაც პოლიციელებს მოქალაქეთა წამებისთვის ახალისებენ, ფულად ჯილდოს აძლევენ, წოდებას უმატებენ, კარიერულად აწინაურებენ. გორშიც ზუსტად ასეა – სამხარეო სამმართველოს უფროსად ბზიშვილი დაწინაურდა, რომელიც აქციების დროს სირაძის მოადგილე იყო და თავად სცემდა მოქალაქეებს. დაწინაურებული იგივე ქცევას რომ წაახალისებდა, რა გასაკვირია? ასე მუშაობს დღევანდელი პოლიციის მთელი ვერტიკალი. მთავარია, გუშინდელივით უტყუარად არ გააშკარავდე.დღეს 19 საათზე გორის სამხარეო პოლიციასთან აქციაა, რომელსაც, ჩემი აზრით, ყველა ნორმალური გორელი უნდა შეუერთდეს, რადგან ბოლო წლებში სწორად იქაური სტრუქტურები აქციეს ძალადობის მუდმივ წყაროდ მთელს ქვეყანაში. გორის და ხეობის წარმომადგენლებით იყო თითქმის მთლიანად დაკომპლექტებული ხარებას დაქირავებული ბანდა, ამჟამინდელი გედედეც. აი განსაკუთრებული გაჭირვების დროს განსაკუთრებულივე სიმხეცის რაზმს რომ იმატებენ, ის გორის სპეცრაზმია. სამხარეო რისი მკისრებელია – თავადაც ნახეთ. ერთ დროს საამაყო, საოკუპაციო ხაზის მედგრად დამცავი სპეცრაზმი სამხეცედ აქციეს, ცხონებული, ნაღდი პოლიციელის ვოვა ჯუღელის სამხარეო – საკუთარ კანინმორჩილ მოქალაქეებზე მონადირეებად. ხოდა, საყვარელო გორელებო, ბევრნი მიცნობთ, იცით, არცერთ გასაჭირში არ მიმიტოვებიხართ, ყოველთვის ვამაყობდი თქვენი ვაჟკაცობით, პატრიოტიზმით და დამიჯერეთ, ნამდვილად დროა, მიდით დღეს 19 საათზე სამხარეო პოლიციასთან, მოითხოვეთ ღირსების დაბრუნება, მოძალადეთა ადექვატური დასჯა
კომენტარები