საქართველოში არ უშვებენ რუს ბოლგერსა და აქტივისტს ინსა ლანდერს, რომელიც რუსეთში სისხლის სამართლებრივი წესით იდევნება. ინფორმაციას ამის შესახებ ფონდის „თავისუფალი რუსეთის“ დირექტორი ეგორ კუროპტევი ავრცელებს ტელეგრამის არხით.
მისი ინფორმაციით, მეხუთე დღეს ინსა ლანდერი რუსეთ-საქართველოს საზღვის ლარსის მონაკვეთზე ნეიტრალურ ზონაში იმყოფება საკვებისა და წყლის გარეშე.
კუროპტევის თანახმად ბლოგერის წინააღმდეგ რუსეთში სისხლის სამართლის საქმეა აღძრული 205.1 მუხლით და ადანაშაულებენ ტეტორისტულ საქმიანობაში ხელშეწყობაში.
ბრალდება 2014 წლის სოციალურ ქსელში „ВКонтакте“ მიმოწერას ეფუძნება . მედია და უფლებადამცველები საქმეს პოლიტიკურად მოტივირებულად მიიჩნევენ. ინსა ლანდერი ნალჩიკში კორუფციის ფაქტების გამოძიებით იყო დაკავებული.
კუროპტებვის თანახმად, ის შინაპატიმრობიდან კვირას გაიქცა და ცდილობდა რუსეთ-საქართველოს სახმელეთო საზღვრის გადაკვეთას.
„ქართველი მესაზღვრეები ინსას მეხუთე დღე არ უშევებენ, მიუხედავდა იმისა, რომ მას რუსეთში საპატიმრო სასჯელი ელის, ის ორ ქვეყანას შორის ნეიტრალურ ზონაში ათევს ღამეს. არ აქვს საკვები და წყალი – ამას საზღვარზე გამვლელი ადამიანები აწვდიან. როდესაც ჩვენ და საქართველოს სახალხო დამცველის წარმომადგენლები მასთან მისვლას შევეცადეთ პოლიციამ არავინ შეგვიშვა, უკვე მივმართეთ საქართველოს საგრეო და შინაგან საქმეთა სამინისტროებს მაგრამ მათ სიტუაციაზე გავლენა არ მოუხდენიათ“,- წერს ეგორ კუროპტევი.
ეგორ კუროპტევმა დღეს თბილისში გამართულ კონფერენციაზე, რომლის სახელწოდებაცაა “პუტინის რეჟიმი: დაცემა თუ ხელახალა შობა?” ლანდერის მიმართვა წაიკითხა, რომლის თანახად მას რესეთში დევნიან „რელიგიის, განცხადებების და გამოძიების გამო“. აქტივისტი იმედოვნებს, რომ საქართველოში თავშესაფარს მიიღებს ან მიეცემა საშუალება თბილისში ერთ-ერთ საელჩოს ვიზის მოთხოვნით მომართოს.
კონფერენციაზე დამსწრე ლიეტუვის ელჩმა საქართველოში ანდრიუს კალინდრამ, განაცხადა, რომ ლიეტუვა მზადაა ლანდერს ვიზა მისცეს და ვილნიუსში გადაყვანაში დაეხმაროს, საქართველოს საზღვარზე არსებული საკითხის გადაწყვეტის შემთხვევაში.
რადიო თავისუფლებას ომბუდსმენის ოფისში უთხრეს, რომ სახალხო დამცველის წარმომადგენლები დაინტრესდნენ რუსი ბლოგერის მდგომარეობით, მაგრამ არ მიეცათ მასთან პირადად შესხვედრის საშუალება. ომბიუდსმენის ოფისი აგრძელებს საქმის შესწავლას.
შინაგან საქმეთა სამინისტროში რადიო თავისუფლებას უთხრეს, რომ ბლოგერთან დაკავშირებით ინფორმირებული არიან, ინფორმაიცას, ასეთის გარცლეების შემთხვევაში, მოგვაწვდიან.
ინსა ლანდერი, რომელიც ბოლო წლებში მოსკოვში ცხოვრობდა, გასული წლის 9 დეკემბერს დააკავეს ქალაქ ბაქსანში, ნათესავების ბინაში და ნალჩიკის უშიშროების ფედერალურ სამსახურში დაკითხვაზე გადაიყვანეს. მას შინა პატიმრობა მიუსაჯეს. შეყვანილია რუსეთის ფინანსური მონიტორინგის ფედერალური სამსახურის ტერორიზმისა და ექსტრემიზმის მხარდამჭერთა სიაში.
ინსა ლანდერი აწარმოებდა ბლოგს Twitter-ზე. ის ყაბარდო-ბალყარეთის მაღალი თანამდებობის პირების ხელმძღვანელობით არსებული ადგილობრივი საქველმოქმდეო ფონდის არამიზნობრივად გამოყენების საკითხს იძიებდა.
რადიო თავისუფლება.
კომენტარები