ჟურნალისტი, ლაშა ბერულავა:
“იცი, რა არის სოხუმი?
ან და რა არის გალი?
ან ტყვარჩელი თუ გინახავს?
ან თუ მოგიკრავს თვალი?
იცი რა არის გაგრა?
ბიჭვინთა, მითხარ, იცი?
იცი, მზე თავს რომ იხრჩობს –
იმ ზღვის შვილი ვარ, იცი?
გუმისთა იცი, ძმაო?
რიწა თუ იცი მაინც?..
გუდაუთაში, იცი
რა სურნელი სდის ყვავილს?
შენ ოჩამჩირე იცი?..
ანდა თუ იცი ლაბრა?
მაშინ ტამიშიც იცი,
შენ კინდღიც იცი, მაგრამ…
შენ ის თუ იცი, როგორ
დაეცა ჩემი ცხუმი,
როგორ გაყიდეს ურცხვად
და წილი ყარეს ჩუმი?..
და შენ ისიც თუ იცი,
რაც გავიარეთ მთებში,
რაც გავიარეთ ზღვაში,
და დამწვარ ხომალდებში?..
მაშინ შენ ისიც იცი,
თუ როგორ მიმძიმს ახლა
თუ რა ბალღამი მიდუღს
და კაეშანი მახლავს…
მაგრამ დღეს ჩემი შვილი
ტიტინით ამბობს: “ჩ(ც)ხუმი…”
“მე დავბრუნდები!”- ამბობს
და ხარობს ჩემი გული!..
გესმის გოდება მიწის?
გესმის ყივილი სისხლის?
მე დავბრუნდები მალე
და შენ ეს კარგად იცი!..
პოსტ სკრიპტუმ:
როცა დავბრუნდებით, იქედან 45 ლარს ყოველ თვეში გამოგიგზავნით და პედიკურებს მიხედეთ…
ვინც თაგი მოხსნას, კრემლის შპიონი იყოს, უკუნითი უკუნისამდე…”
კომენტარები