საქართველოს მოქალაქეების პირად მონაცემებზე წვდომა შესაძლოა, რუსულ და ბელარუსულ სპეცსამსახურებს ჰქონდეთ. უკვე წლებია, ამ ქვეყნების პროგრამებზე შს მინისტრი, ვახტანგ გომელაური, უარს არ ამბობს.
“ტვ პირველის” ინფორმაციით, შს სამინისტრო მონაცემების დამუშავებისთვის რუსულ და ბელარუსულ პროგრამებს ყიდულობს, რომლებსაც ანაბეჭდების, სახის ამომცნობი და ბალისტიკური ექსპერტიზისთვის იყენებენ. უწყებამ ამისთვის დაახლოებით მილიონ ნახევარი ლარი უკვე გადაიხადა.
ქართველი ხალხის ფული იხარჯება იმ კომპანიის მომსახურებაზე, რომლის მომხმარებელი რუსეთის უშიშროების სამსახური და ოკუპირებული აფხაზეთის სამართალდამცველი ორგანოებიც არის. გამოდის, რომ რუსული ,,ეფ-ეს-ბე” და საქართველოს ძალოვანი უწყება ერთი პროგრამით მუშაობენ, რაც აჩენს დიდ რისკს, რომ ოკუპანტი ქვეყნის უშიშროების სამსახურს პირდაპირი წვდომა ექნება საქართველოს მოქალაქეების პერსონალურ მონაცემებზე, – წერს “ტვ პირველი.
კომენტარები