საქართველოს ხელისუფლების პოლიტიკა საფრთხის შემცველია – ასე უპასუხა საქართველოს პრეზიდენტმა ვარშავის უსაფრთხოების ფორუმზე მოდერატორის მიერ დასმულ კითხვას, საქართველოში დემოკრატიულ უკუსვლაზე.
სალომე ზურაბიშვილმა საერთაშორისო ტრიბუნიდან “ოცნების” ხელისუფლებას რუსეთის პროქსი (მინდობილი, წარმომადგენელი) უწოდა და რუსეთი პირდაპირ დაადანაშულა საქართველოში ჰიბრიდულ ომის წარმოებაში.
“რა თქმა უნდა, საქართველოს ხელისუფლების პოლიტიკა საფრთხის შემცველია. ჩვენ მომსწრენი ვართ ჰიბრიდული ომის, პროპაგანდის, შიშის ზეწოლის. მიიღეს რუსული კანონი, რომელიც მოქმედებაში მოვიდა. ამით არის მცდელობა წნეხში მოექცეს სამოქალაქო საზოგადოება. ყველაფრის განმსაზღვრელი იქნება არჩევნები. არჩევნებში ხალხმა უნდა გამოხატოს თავისი ნება და დაამარცხოს საფრთხეები. ქართველი ერის სიძლიერე ამაშია.
ქართველმა ხალხმა კარგად იცის, რომ მშვიდობა არ მოდის დათმობით. არის ნაწილი ხალხისა, რომელიც მხარს უჭერს დათმობის პოლიტიკას, რადგან მათ აქვთ პრივილეგიები, კომპრომატები. ვერ იპოვიან ისინი დიდ მხარდამჭერას სხვადასხვა კანონების თუ ზეწოლის გზით. დარწმუნებული ვარ, ქართველმა ხალხმა იცის, სად არის ჩვენი მომავალი.
მე არ ვფიქრობ, რომ რუსეთი არის იმ მდგომარეობაში, რომ რამე კიდევ სცადოს, თუმცა დარწმუნებით ვერაფერზე ვისაუბრებ.სტრატეგია, რომელსაც რუსეთი იყენებს საქართველოში, არის პროქსების არსებობა. ქართული ოცნება ფაქტობრივად რუსეთის პროქსია საქართველოში.
ეს არჩევნები არის ჩვენი დასაცავი, უნდა დავიცვათ მშვიდობიანად და გამოვხატოთ ჩვენი ნება. ხალხის მობილიზაცია არის ყველაზე მნიშვნელოვანი დღესდღეობით.
რამდენიმე დღის წინ მმართველმა პარტიამ გამოიყენა დიდი პოსტერები, ერთ მხარეს იყო უკრაინის ფოტოები, მეორე მხარეს თბილისის ფოტოები. ამან გამოიწვია დიდი უკმაყოფილება, რადგან ეს არ არის თავსებადი ქართულ ტრადიციებთან, მშვიდობიან ბუნებასთან. ფაქტობრივად იყო გამოყენებული ტრაგედია. საზოგადოების რეაქცია აჩვენებს, რომ ეს ბრძოლა არ არის წაგებული”, – განაცხადა პრეზიდენტმა.
კომენტარები