2022 – 2023 წლის საქართველოს ადამიანის უფლებათა დაცვის ეროვნულ სტრატეგიაში ქვიარ ადამიანების უფლებების შესახებ საუბარი აღარ არის – წერს OC-Media
დოკუმენტი “ქართულმა ოცნებამ” 2 წლის დაგვიანებით შეიმუშავა, რადგან წინა დოკუმენტს ვადა 2020 წელს გაუვიდა. პირველი ადამიანის უფლებათა დაცვის სტრატეგია 2014 წელს დამტკიცდა. მაშინდელი დოკუმენტი მოიცავდა პუნქტს “სექსუალური ორიენტაციის ან გენდერული იდენტობის საფუძველზე დისკრიმინაციის წინააღმდეგ ბრძოლის შესახებ”.
ახალი სტრატეგია საქართველოს მთავრობამ უკვე მიიღო და იგი საბოლოოდ დასამტკიცებლად პარლამენტს გაუგზავნა.
ახალ დოკუმენტს ნეგატიური გამოხმაურება მოჰყვა სამოქალაქო საზოგადოებაში. როგორც აქტივისტმა და “თბილისი პრაიდის” ერთ-ერთმა დამფუძნებელმა, ანა სუბელიანმა OC-Media-სთან ინტერვიუში განაცხადა, მიღებულ დოკუმენტთან დაკავშირებით, “პრაიდის” წარმომადგენლებს შეხვედრა ჰქონდათ მთავრობის წარმომადგენლებთან, თუმცა მხარეებმა შეთანხმების მიღწევა ვერ შეძლეს.
მისივე თქმით, მმართველი პარტია მიანიშნებს იმაზე, რომ ხელისუფლებამ უარი თქვა ქვიარ თემის უფლებების დაცვაზე, რათა ახალმა სტრატეგიამ საკმარისი მხარდაჭერა მოიპოვოს დეპუტატების მხრიდან.
წყარო – მთავარი არხი
კომენტარები