თბილისის საქალაქო სასამართლოსთან, სადაც მესამე პრეზიდენტის მიხეილ სააკაშვილის ბიძა თემურ ალასანია გამოკითხვაზე მივიდა, ხმაური იყო. „საქართველოს აგინებდი, ერის მაგინებელი ხარ,” – ამ სიტყვებით მიმართეს ეზოში მყოფმა პირებმა ალასანიას.
ალასანიას გამოჩენამ სასამართლოს ეზოში მყოფი მოქალაქეების გაღიზიანება გამოიწვია. სიტუაციის განმუხტვა სამართალდამცავებმა შეძლეს.
საქართველოს მესამე პრეზიდენტის, მიხეილ სააკაშვილის ბიძა თემურ ალასანია დღეს მაგისტრატი მოსამართლის წინაშე გამოიკითხება.
არსებული ინფორმაციით, ალასანია კერძო კომუნიკაციის საიდუმლოების დარღვევის ფაქტზე მიმდინარე გამოძიების ფარგლებში დაიბარეს გამოკითხვაზე.სავარაუდოდ, საგამოძიებო მოქმედება ეხება 2018 წელს უკრაინულ საიტზე გამოქვეყნებულ აუდიოჩანაწერს, რომელშიც, სავარაუდოდ, სააკაშვილი სიტუაციის რადიკალიზაციაზე თემურ ალასანიას ესაუბრება.
„საქართველოს აგინებდი, ერის მაგინებელი ხარ” – თბილისის საქალაქო სასამართლოსთან თემურ ალასანიას შეძახილებით შეხვდნენ
კომენტარები