New York Times-ის მონაცემებით საქართველო პანდემიის დაწყებიდან დღემდე, 100 ათას მოსახლეზე გაანგარიშებით, კორონავირუსის შედეგად გარდაცვალების სტატისტიკით მსოფლიოში მე-14 ადგილზეა.
გამოცემა Our World In Data-ს სტატისტიკას ეყრდნობა, საქართველოში გარდაცვლილთა მაჩვენებელი 100 000 მოსახლეზე 246-ია. მთლიანობაში კი ქვეყანაში პანდემიას 9,134 ადამიანი ემსხვერპლა.
პანდემიის დაწყებიდან დღემდე გარდაცვალების ყველაზე მაღალი მაჩვენებელი NY Times-ის მონაცემით პერუში ფიქსირდება, მეორე ადგილს კი ამ მაჩვენებლით ბოსნია ჰერცოგოვინა იკავებს, ჩრდილოეთ მაკედონია კი მესამე ადგილზეა.
რაც შეეხება ვირუსის გავრცელების მაჩვენებელს, პანდემიის დაწყებიდან დღემდე 100 ათას მოსახლეზე გაანგარიშებით საქართველო მსოფლიოში მეხუთე ადგილზეა. ქვეყანაში ინფიცირების მაჩვენებელი 100 000 მოსახლეზე NY Times-ის მიხედვით, 16,768-ია. ჯამში საქართველოში კორონავირუსით სულ 623,830 ადამიანი დაინფიცირდა.
ამ მაჩვენებლით პირველ ადგილზე სეიშელის კუნძულებია, მეორე ადგილზეა მონტენეგრო, მესამე ადგილს კი ანდორა იკავებს.
კომენტარები